Astanada jazǵy saýyqtyrý maýsymy ashylady
ASTANA.KAZINFORM — Astanadaǵy Botanıkalyq saıabaqta jazǵy saýyqtyrý maýsymy resmı túrde ashylyp, zeınetkerler ıoga men aıkúneden tańǵy jattyǵýdy ótkizedi.
Elorda ákimdiginiń málimetinshe qaladaǵy demalý saıabaqtarynda zeınetkerler saýyqtyrý jattyǵýlaryn ótkizýdi tuńǵysh ret qolǵa alyp otyr. Atap aıtqanda, Belsendi uzaq ómir súrý ortalyǵynyń sport nusqaýshylary men erikti zeınetkerleri tańǵy ýaqytta saǵat 8.00-11.30 aralyǵynda ońaltý gımnastıkasy, «Tsıgýn» tynys alý gımnastıkasy, skandınavııalyq serýendeý, aıkúne men ıogadan saýyqtyrý sabaqtaryn ótkizetin bolady.
— Qala turǵyndarynyń densaýlyǵyn nyǵaıtý jáne sporttyq belsendilikti arttyrý maqsatynda saýyqtyrý jattyǵýlary «Jetisý», «Jeruıyq», Botanıkalyq saıabaǵynda, Ortalyq jáne Prezıdent saıabaǵynda, Nurjol gúlzary men Muǵalimder alańynda qyrkúıek aıyna deıin kestege sáıkes jalǵasatyn bolady, — delingen habarlamada.
Jattyǵýǵa qatysý tegin. Іs-shara 21 mamyr kúni saǵat 10.00-de bastalady.
Sonymen qatar, osy kúni saǵat 17.00-de «Jetisý» saıabaǵynda ardagerlerdi áleýmettendirý, saýyqtyrý jáne zeınetkerlerdiń bos ýaqytyn tıimdi ótkizý maqsatynda retro ánderden bı keshiniń ashylýy ótedi.
Belsendi uzaq ómir súrý ortalyǵy qala zeınetkerleri úshin jazǵy maýsymda Jetisý saıabaǵynda ár sársenbi saıyn saǵat 17:00–19:00 aralyǵynda «Zeınetkerler dıskotekasy» ótedi.
Úkimet zeınetkerlerdiń nesıesi keshirile me degen saýalǵa jaýap bergen bolatyn.