Astanada «Jas ulan» áskerı ánder festıvali ótedi

ASTANA. 1 qazan. QazAqparat - Qazaqstan Respýblıkasy Qarýly Kúshteriniń túrleri men ásker tekterinde, óńirlik qolbasshylyqtarda «Jas ulan-2013» HV respýblıkalyq áskerı ánder festıvaliniń irikteý týrlary bolyp ótti. Kórkemónerpaz oryndaýshylar men shyǵarmashylyq ujymdar buǵan deıin rota-batalon, batalon brıgada býyndarynda irikteýden ótti.

Bul týraly QR Qorǵanys mınıstrliginiń baspasóz qyzmetinen habarlady.

Búgingi tańda úshinshi irikteý týrynan ótken túrler, tekter men óńirlik qolbasshylyqtardyń jeńimpazdary Astanadaǵy qorytyndy saıysqa daıyndyq ústinde. Sondaı-aq festıvalǵa basqa da áskerler men áskerı quralymdardyń ókilderi qatysyp, festıval qonaqtary óner kórsetedi dep kútilýde.

2013 jylǵy 8-13 qazan aralyǵynda astanalyq «Kongress-holl» kontsert zalynda qorytyndy týr jáne «Jas ulan» festıvali laýreattarynyń gala-kontserti ótkiziledi.

Respýblıkalyq festıvalǵa qatysýshylar «oryndaýshy-vokalıster», «folklorlyq oryndaýshylar», «vokaldyq-aspaptyq ansamblder men oryndaýshylar» atty úsh nomınatsııadaǵy konkýrstyq baǵdarlamada óner kórsetedi.

«Jas ulan» festıvali QR Qarýly Kúshterinde 1997 jyldan beri áskerı ortadaǵy kórkemónerpaz shyǵarmashylyq ujymdary men oryndaýshylardy damytý úshin ótkizilip keledi. Ol áskerlerde keńinen tanymal. Shyǵarmashylyq kórkemónerpazdar áskerı qyzmetshiler men jastardy áskerı-patrıottyq tárbıeleýde úlken oryn alady.