Astanada jalaqy - 1 500 000 teńge
ASTANA. 13 maýsym. QazAqparat - Astananyń joǵary jalaqy alatyn mamandary anyqtaldy.
Top - menedjerleriniń jalaqysy 1 500 000 teńge shamasynda bolsa, stýdentterdiki 16 200 teńge.
HeadHunter kásiporny júrgizgen saraptama jumystarynyń nátıjesine sáıkes, joǵary menedjment qyzmetkerleri aı saıyn 1 479 285 teńge eńbekaqy alady. Al shıkizat óndirý salasy mamandarynyń jalaqysy 1379 267 teńge bolsa, túrli salanyń konsýltanttary 678 452 jalaqyǵa eńbek etedi. Qurylys pen jyljymaıtyn múlik aıasynda jumys isteıtinderdiń jalaqysy - 592 655 teńge.
Sondaı-aq eń joǵary jalaqy alatyndardyń bestigine dárigerler, farmatsevtıka mamandary men óndiris oryndarynyń qyzmetkerleri ilikti. Olardyń jalaqylary - 550 000 teńge. Al kerisinshe, eń tómengi eńbekaqy tájirıbesiz azamattarǵa tıesili, jalaqylary - 16 160 teńge. Saraptama jumystary 2012 jyldyń 1 qańtary men 6 maýsymy aralyǵynda HeadHunter-diń ǵalamtor paraqshasynda jarııalanǵan Astana qalasyndaǵy bos jumys oryndary negizinde júrgizilgen.
Aqparat Tengrinews.kz saıtynda jarııalandy.
