Astanada «Veıpsiz jastar» densaýlyq sherýi ótti
ASTANA. KAZINFORM — Elordada «Taza Qazaqstan. Astana — tazalyq pen tártiptiń úlgisi» aýqymdy ekologııalyq aktsııa jalǵasyp jatyr. Ekologııalyq is-sharany bilim berý uıymdarynyń oqýshylary qoldap, «Veıpsiz jastar» densaýlyq sherýin ótkizdi. Bul týraly elorda ákimdiginiń resmı saıty jazdy.
Іs-sharaǵa 16 mamyrda 97 elordalyq bilim berý uıymy qatysty.
Qosymsha bilim berý jáne tárbıe jumysy bóliminiń basshysy Gúlfara Sarambetova bul áleýmettik jobany Qazaqstannyń balalar qory uıymdastyrǵanyn aıtty.
«Joba oqýshylardy salaýatty ómir saltyna yntalandyrý, dene shynyqtyrý men sportty nasıhattaý maqsatynda 21 jasqa deıingi adamdar arasynda veıpterdi qoldanýmen kúresýge baǵyttalǵan. Mundaı is-sharalar apta saıyn ótkiziledi. Sonymen qatar qalada mekteptiń ózin-ózi basqarýy, „Meniń baýyrym“ eriktiler qozǵalysy, sporttyq estafetalar, ekofestter ótkiziledi. Kelesi aptada biz qalanyń jylyjaılarynda is-sharalar ótkizemiz. Munyń bári jastarymyzdyń boıynda minez-qulyq mádenıetin tárbıeleýge jáne olarǵa durys ádetterdi, borysh pen jaýapkershilik sezimin oıatýǵa yqpal etedi», — dep atap ótti Gúlfara Sarambetova.
Densaýlyq sherýinde belgili bir jetistikterge jetken jas sportshylar qurmetke ıe boldy. Bıyl mektep bitiretin túlek sportshylarǵa erekshe nazar aýdaryldy.
Sondaı-aq 23 myńnan astam adam «Deni saý «men» — deni saý el!» flesh-jattyǵýyna qatysyp, salaýatty ómir salty men planetadaǵy tazalyqqa otandyq jaýapkershilikpen qaraýdyń mańyzdylyǵyn atap ótti.
