Astanada velotrekten Qazaqstan chempıonaty bastaldy
ASTANA. KAZINFORM -Astanadaǵy «Saryarqa» velotreginde erler men áıelder arasynda temptik jáne sprınterlik baǵdarlama boıynsha Qazaqstan chempıonaty bastaldy.
Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha. onda QR ulttyq chempıonaty, sondaı-aq jasóspirim uldar men qyzdar arasyndaǵy Qazaqstan chempıonaty ótedi.
Dúbirli dodaǵa elimizdiń 13 oblysynan 75 sportshy keldi. Al jasóspirimder arasyndaǵy el birinshiliginde 14 oblystan shamamen 120 sportshy baq synaýda.
Jarys 22 tamyzǵa deıin jalǵasady.
Eske salsaq, budan buryn qazaqstandyq balýan Edige Qasymbek erkin kúresten Bolgarııanyń Samokov qalasynda ótip jatqan U20 sanatyndaǵy álem chempıonatynyń altyn júldegeri atandy.
Jerlesimiz fınalda Iran ókili Abolfazl Mohammad Nejadty aıqyn basymdyqpen jeńdi.