Astanada túngi avtobýstar toqtaıdy
ASTANA. KAZINFORM — City Transportation Systems túngi marshrýttaǵy avtobýstar toqtaıtynyn habarlady.
Oqý jyly bastalyp, jolaýshylar sanynyń artýyna baılanysty, sondaı-aq, qalalyq baǵdarlarda túngi avtobýstardy paıdalaný tıimdirek bolatynyn eskere kele túngi maýsymdyq baǵdarlar qozǵalysyn 14 qyrkúıek senbiden 15 qyrkúıek jeksenbige qaraǵan túni toqtatý jóninde sheshim qabyldandy.
Aıta ketsek, № 201, 202 jáne 203 túngi baǵdarlary iske qosylǵan kúnnen bastap 21 116 jolaýshy tasymaldady.
- № 201 baǵdarmen 10 534 jolaýshy,
- № 202 baǵdar — 5 061 adam jáne
- № 203 baǵdarda 5 521 jolaýshy júrdi.
Salystyrar bolsaq, osy kezeńde bir qalalyq baǵdarmen orta eseppen 500 myńǵa jýyq jolaýshy júrdi, bul — túngi baǵdarlarǵa qaraǵanda áldeqaıda kóp kórsetkish.
Túngi baǵdarlardyń aldaǵy ýaqyttaǵy jumysyn josparlaý úshin saýalnama júrgiziledi.
cts_kz Instagram paraqshasynyń profılindegi siltemege ótip, saýalanamaǵa qatysyńyz.
