Astanada trektegi velosporttan halyqaralyq týrnır ótedi
ASTANA. KAZINFORM — Astana qalasynda 16-18 mamyr aralyǵynda trektegi velosporttan iri halyqaralyq «Silk Way Series Astana-2025» týrnıri ótedi.
Jarystar «Saryarqa» velotregi bazasynda uıymdastyrylady.
Týrnırge on elden sportshylar qatysady. Júldeler Qazaqstan, Ázirbaıjan, Belarýs, Ońtústik Koreıa, Ózbekstan, Armenııa, Grekııa, Reseı, Latvııa jáne Lıtva quramalary arasynda sarapqa salynady.
Aıta ketsek, bıyl aqpan aıynda trektegi velosporttan Qazaqstan quramasynyń sportshysy Kırıll Kýrdıdı Malaızııada ótken Azııa chempıonatynda qola júldeger atandy.
Sportshy gıt saıysynda qola medal jeńip aldy. Ol 1000 metr qashyqtyqty 1 mınýt 0,666 sekýndta júrip ótti. Jarysta japondyq Rıýto Itıda jeńiske jetse, kúmis júldeni qytaılyq Tsı Lıý ıelendi.
https://kaz.inform.kz/news/kirill-kurdidi-trekteg-velosporttan-aziya-chempionatinin-kola-zhuldeger-atandi-27f780/
Ádiljan Úmbet.
