Astanada Táýelsizdik kúnine oraı qandaı is-sharalar ótedi
ASTANA. KAZINFORM – Astanada Táýelsizdik kúnine oraı 50-den astam túrli merekelik jáne resmı is-sharalar, onyń ishinde kórmeler, kontsertter, sýret baıqaýlary, týrnırler men spartakıadalar ótedi, dep jazdy elorda ákimdiginiń resmı saıty.
7-8 jeltoqsan kúnderi №15 mektep-lıtseıinde Saryarqa aýdanynyń oqýshylary arasynda shahmat pen doıbydan týrnır ótedi.
7-8 jeltoqsanda Qalıbek Qýanyshbaev atyndaǵy Qazaq ulttyq mýzykalyq drama teatrynda «Tórlet, eńbek adamy!» atty respýblıkalyq aqyndar aıtysy ótedi.
8 jeltoqsan kúni saǵat 17:00-de elordalyq fılarmonııanyń kontsert zalynda aqyn, fılologııa ǵylymdarynyń kandıdaty, L.Gýmılev atyndaǵy Eýrazııa ulttyq ýnıversıtetiniń fılologııa fakýltetiniń dekany, «Qurmet» ordeniniń ıegeri Serikzat Dúısenǵazynyń «Uly dala júregi» atty shyǵarmashylyq keshi ótedi.
Sol kúni saǵat 19:00-de Roza Baǵlanova atyndaǵy «Qazaqkontsertte» Ámire kontserti ótedi. Sonymen qatar Jastar teatrynda «Aq keme» qoıylymynyń premerasy uıymdastyrylady.
Ál-Farabı atyndaǵy Oqýshylar saraıynda 10 jeltoqsan kúni respýblıkalyq poetıkalyq joba aıasynda «Aqyndar aıtysy» baıqaýyn ótkizý josparlanyp otyr.
11 jeltoqsan kúni saǵat 19:00-de Mýzykalyq jas kórermen teatrynda «Gaýhartas» spektakli ótedi.
13 jeltoqsanda birneshe is-sharalar josparlanǵan. Máselen, Maqsut Narikbayev University ǵımaratynda Táýelsizdik kúnine arnalǵan orkestrdiń kontserti jáne «Táýelsizdik – jastarǵa taǵylym» atty dóńgelek ústel ótedi.
14 jeltoqsanda qala turǵyndary men qonaqtary úshin qyzyqty is-sharalar ótkiziledi. Bul kúni saǵat 10:00-de «Qazanat» ıppodromynda qalalyq jarystar ótedi, al №29 orta mektepte «Ákeler keńesimen» birlesip, 5-11 synyptar arasynda fýtboldan týrnır uıymdastyrylady. Sonymen qatar, Saryarqa aýdany ákiminiń apparatynda «Men óz jetistikterimdi Otanyma arnaımyn» chellendjiniń jáne qalalyq, respýblıkalyq olımpıadanyń jeńimpazdarymen kezdesý josparlanyp otyr.
Sol kúni E.Rahmadıev atyndaǵy memlekettik akademııalyq fılarmonııa «Qońyr úndi amanat» jáne «Án salaıyq bárimiz» merekelik kontsertterine shaqyrady.
M. Gorkıı atyndaǵy Memlekettik akademııalyq orys drama teatrynda 15 jeltoqsan kúni «Álııa» spektakli usynylady.
16 jeltoqsanda Á.Mámbetov atyndaǵy Memlekettik drama jáne komedııa teatrynda jazýshy, aqyn jáne dramatýrg Muhtar Shahanovtyń «Tanakóz» poemasy boıynsha spektakl ótedi.
17 jeltoqsan kúni saǵat 19:00-de Mýzykalyq jas kórermen teatrynda «Abaı-Toǵjan» spektakli ótedi.
Sonymen qatar, Táýelsizdik merekesine oraı, Baıqońyr aýdanynyń kópbalaly jáne áleýmettik az qamtylǵan otbasylarynyń balalaryna kınoteatrlarǵa tegin barý, zeınetkerlerdiń aýlasyn qardan tazalaýǵa kómektesý jáne azyq-túlik taratý boıynsha «Qamqorlyq mekenjaıy» aktsııasy ótedi. Jastar saraıynyń alańynda aýdan turǵyndaryna arnalǵan muzdy qalashyq ashylyp, konkıden tegin syrǵanaý jáne qysqy sport oıyndary ótkiziledi. Aýdan uıymdarynyń arasynda ústel tennısinen týrnır ótkizý josparlanyp otyr.