Astanada tapsyryspen kisi óltirmek bolǵan kúdikti ustaldy
Astanalyq polıtseıler tapsyryspen kisi óltirýdiń aldyn aldy, dep habarlaıdy Kazinform.
Eki kúdikti, ıaǵnı tapsyrys berýshi men kisi óltirýge tapsyrys alǵan adam anyqtaldy.
Qylmysqa tapsyrys berýshi jumsalǵan múlik úshin jaýapkershilik alǵysy kelmeı, odan jaltarmaq bolǵan.
Jedel is-sharalar júrgizý barysynda kúdiktiler Astana-Kókshetaý tas jolynda ustaldy.
- Tintý kezinde kóliktiń salonynan jaýyngerlik tapansha men 9 mm kalıbrli 5 patron tabyldy, sonymen qatar tapsyrys berýshiniń úıinen taǵy basqa osyǵan uqsas 34 oq-dári tárkilendi, - dedi Astana qalasy PD uıymdasqan qylmysqa qarsy kúres basqarmasynyń bastyǵy Arǵyn Altynbekov.
Ustalǵandar kinásin moıyndap, ýaqytsha ustaý ızolıatoryna qamaldy.
Adam óltirýge oqtalý faktisi boıynsha sotqa deıingi tergeý amaldary júrgizilip jatyr.
