Astanada taǵy bir kóshe jabyldy
ASTANA. KAZINFORM — Astana ákimdigi jóndeý jumysyna baılanysty taǵy bir kóshe jabylatynyn eskertti.
Astana qalasynyń kólik jáne jol-kólik ınfraqurylymyn damytý basqarmasy Keleshek tuıyq kóshesiniń Nurǵısa Tilendıev dańǵylynan Jańaqonys kóshesine deıingi ýchaskesinde jol tósemine ortasha jóndeý jumysy júrgiziletinin habarlaıdy.
Osyǵan baılanysty 15 shilde saǵat 07:00–den 16 shilde saǵat 07:00–ge deıin joǵaryda atalǵan ýchaske tolyǵymen jabylady.
Bul rette avtokólik qozǵalysy irgeles kóshelermen júzege asady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.
