Astanada «Shabyt» shyǵarmashyl jastar festıvali ótedi
ASTANA. KAZINFORM — Astanada 18-22 qarasha aralyǵynda «Shabyt» XXVIII halyqaralyq shyǵarmashyl jastar festıvali ótedi. Bulsh týraly elorda ákimdigi málim etti.
– Bul – Qazaqstandaǵy eń iri mádenı sharalardyń biri bolyp sanalatyn, álemniń túkpir-túkpirinen kelgen talantty jas ártisterdi, sýretshiler men aqyndardy biriktiretin bedeldi festıval, - dep jazdy ákimdikten.
«Shabyt» festıvaliniń basty maqsaty – daryndy jastardy qoldaý jáne damytý, kásibı sheberlikti arttyrý, ulttyq jáne álemdik mádenıetti nasıhattaý, sondaı-aq halyqaralyq shyǵarmashylyq yntymaqtastyqty nyǵaıtý.
Festıvalge 18 ben 35 jas aralyǵyndaǵy shyǵarmashyl jastar qatysa alady. Bul qatarǵa óner baǵytyndaǵy oqý oryndarynyń stýdentteri men túlekteri, sondaı-aq fılarmonııalar, teatrlar men kontserttik uıymdardyń kásibı oryndaýshylary kiredi.
Ár qatysýshy tek bir nomınatsııa boıynsha ǵana ótinim bere alady.
Ótinim qabyldaý 5 qarashaǵa deıin jalǵasady.
Nomınatsııalar:
Kameralyq hor. Hor dırıjeri;
Akademııalyq án aıtý jáne kontsertmeısterlik sheberlik;
Kameralyq mýzyka (skrıpka, alt, vıolonchel, kontrabas, fortepıano);
Folklorlyq ansambl (2-5 qatysýshy);
Estradalyq vokal (dýet, trıo);
Beıneleý óneri (keskindeme, grafıka);
Poezııa (úzdik ádebı shyǵarma).
Syıaqy qory:
Gran-prı — 3 000 000 teńge;
I oryn — 1 000 000 teńge;
II oryn — 750 000 teńge;
III oryn — 500 000 teńge.
«Shabyt» festıvali – jańa esimderdiń bastaý alańy, shabyt pen shyǵarmashylyqtyń qaınar kózi, sondaı-aq Qazaqstan men álem jastarynyń birligin pash etetin mádenı brend.
Aıta keteıik, Astanada «Toqyraýyn tolqyndary» ansambliniń 50 jyldyǵyna arnalǵan kontsert ótti.
