Astanada «Paryz» konkýrsyna ótinim qabyldaý jalǵasyp jatyr
ASTANA. KAZINFORM – Astanada 2026 jylǵa arnalǵan «Paryz» bıznestiń áleýmettik jaýapkershiligi konkýrsy bastaldy. Atalǵan baıqaý jeke kásipkerlik sýbektileriniń qoǵam aldyndaǵy korporatıvtik áleýmettik jaýapkershiligin qalyptastyrýǵa jáne arttyrýǵa baǵyttalǵan. Bul óz kezeginde halyqtyń ál-aýqatyn jaqsartýǵa yqpal etýdi kózdeıdi. Bul týraly elorda ákimdiginiń resmı saıty jazdy.
Baıqaý tórt nomınatsııalar boıynsha ótedi:
1) «Úzdik áleýmettik jaýapty kásiporyn». Bul nomınatsııada óz personalyn qoldaýǵa, múmkindigi shekteýli adamdardy áleýmettik beıimdeýge jáne jalpy koǵamnyń ál-aýqatyn jaqsartýǵa baǵyttalǵan áleýmettik baǵdarlamalardy (eńbekaqyny jáne áleýmettik tólemderdi tóleýdi, kadrlardy kásiptik daıarlaý men qaıta daıarlaý júıesin uıymdastyrý, múmkindigi shekteýli adamdardy barynsha kóp mólsherde jumysqa ornalastyrý jáne taǵy basqalar) iske asyratyn úmitkerlerdiń kyzmeti qaralady;
2) «Eńbekti qorǵaý salasyndaǵy úzdik kásiporyn». Bul nomınatsııada eńbek kyzmeti protsesinde qyzmetkerlerdiń densaýlyǵyn saqtaýǵa múmkindik beretin eńbek jaǵdaılaryn jasaıtyn úmitkerlerdiń qyzmeti qaralady;
3) «Úzdik ujymdyq shart». Bul nomınatsııada Qazaqstan Respýblıkasynyń zańnamasynda kózdelgen, qyzmetkerlerdiń eńbek jáne áleýmettik quqyqtaryn edáýir jaqsartatyn jáne nyǵaıtatyn ujymdyq sharttar qaralady;
4) «Ekologııaǵa qosqan úlesi úshin». Bul nomınatsııada qorshaǵan ortanyń, qaldyqtardy kádege jaratý men qaıta óńdeýdiń jaı-kúıin jaqsartýǵa baǵyttalǵan tabıǵatty qorǵaý (ekologııalyq) baǵdarlamalaryn, is-sharalaryn jáne jobalaryn iske asyrýda erekshe kózge túsken úmitkerlerdiń qyzmeti qaralady.
Sonymen qatar, baıqaýda «Jyldyń úzdik áleýmettik jobasy» úshin arnaıy syılyq qarastyrylǵan.
Aıta ketý kerek, konkýrcqa jarǵylyq kapıtalyndaǵy memlekettik úlesi nemese aktsııalary 50 paıyzdan asatyn uıymdar qatysa almaıdy.
Ótinimder 1 shildege deıin qabyldanady.
Qatysýshylardyń qujattary hr.enbek.kz portaly arqyly («Paryz» nomınatsııasy) qabyldanady.
Konkýrs týraly tolyq aqparatty kelesi telefon nómirleri arqyly alýǵa bolady:
55-68-34, 55-68-05, 55-68-11 (Astana qalasynyń Jumyspen qamtý jáne áleýmettik qorǵaý basqarmasy);
57-49-38, 57-49-35, 57-49-36 (Memlekettik eńbek ınspektsııasy Komıtetiniń Astana qalasy boıynsha departamenti);
55-75-74, 55-75-81 (Astana qalasynyń Qorshaǵan ortany qorǵaý jáne tabıǵatty paıdalaný basqarmasy) telefondary arqyly alýǵa bolady.
Aıta keteıik, eldegi áleýmettik kásipkerlik sýbektileriniń sany 1577-ge artty.
