Astanada on altynshy «Jaıly mektep» ashyldy
ASTANA. KAZINFORM – «Nura» aýdanyndaǵy E-535 kóshesinde ornalasqan №100 jańa mektep 2 000 oqýshyǵa arnalǵan. Astana ákimdigi Telegram-kanalynyń habarlaýynsha, mekteptiń jalpy aýdany 23 myń sharshy metrdi quraıdy.
Bilim berý mekemesinde zamanaýı kabınetter, 450 oryndyq akt zaly, 130 adamǵa arnalǵan ashana, fızıka, hımııa jáne bıologııa zerthanalary, sondaı-aq 4 sport zaly bar.
«Bul mektep óziniń materıaldyq-tehnıkalyq bazasymen erekshelenedi. Búgingi tańda mektepke 500-ge jýyq oqýshy qabyldandy», - dedi mektep dırektorynyń mindetin atqarýshy Murat Ahmetov.
Eske sala keteıik, buǵan deıin Almatyda 2025 jyly qansha mektep avtobýsy satyp alynatynyn jazǵan edik.
