Astanada Naýryzdy merekeleý kúnderi kólik qozǵalysynda shekteýler engiziledi
ASTANA. QazAqparat - Astanada Naýryzdy merekeleý kúnderi qoǵamdyq kólik qozǵalysynyń kestesi ózgeredi. Bul týraly búgin ІІD Ákimshilik polıtsııa basqarmasy basshysynyń orynbasary Sabyr Júsipbekov aıtty.
21 naýryzda Táýelsizdik dańǵyly men Baıtursynov kóshesin jabý kezinde 3, 4, 14, 19, 21, 32 ı 40 nómirli qoǵamdyq kólik baǵdarlary Qoshqarbaev dańǵyly - Obaǵan kóshesi - Nájimedenov kóshesi boıynsha aınalyp júretin bolady.
Onyń aıtýynsha, merekelik sharalar ótetin bul aýmaqta qozǵalys múldem toqtatylyp, tehnıkalyq kólikterge jáne qoǵamdyq kólikterge kirýge ǵana ruqsat etiledi.
Sonymen qatar «Haziret Sultan» meshitine juma namazyna baratyndar úshin saǵat 11:30-dan 15:00 aralyǵynda joǵaryda atalǵan baǵdarlarǵa qosymsha avtobýstar uıymdastyrylmaq.
S. Júsipbekovtyń sózine qaraǵanda, búginnen bastap merekelik sharalar ótetin Táýelsizdik dańǵylynda daıyndyq sharalary ótip jatyr. Bul turǵyda osy kóshelerde kólik qozǵalysyna ózgertýler engizildi. Osyǵan baılanysty ol joldardaǵy shekteýlerge oraı jeke avtokólik ıelerin atalǵan jerlerden júrý baǵdaryn aldyn ala qarastyrýdy surady.
