Astanada mas kúıdegi boıjetken kóligimen áıeldi qaǵyp óltirdi
Elordada rýlge mas bolyp otyrǵan boıjetken turǵyn úıdiń aýlasynda aldymen adamdy qaǵyp, odan ári turaqtaǵy úsh kólikke soǵyldy. Saldarynan 42 jastaǵy jaıaý júrginshi alǵan jaraqatynan oqıǵa ornynda kóz jumdy. Kazinform bul týraly Astana qalalyq Polıtsııa departamentiniń baspasóz qyzmetine silteme jasap habarlaıdy.
Jol-kólik oqıǵasynyń vıdeosy Polıtsııa departamentiniń áleýmettik jelidegi paraqshasynda jarııalandy.
«Toyota Camry» kóliginiń 20 jastaǵy júrgizýshisi ýaqytsha ustaý abaqtysyna qamaldy.
«Jol-kólik oqıǵasy faktisi boıynsha Astana qalasynyń Polıtsııa departamenti QR Qylmystyq kodeksiniń 345-baby 3-bóligi (Kólik quraldaryn basqaratyn tulǵalardyń abaısyzda adam ólimine ákep soqqan jol qozǵalysy nemese kólik quraldaryn paıdalaný erejelerin buzýy) boıynsha qylmystyq is qozǵady. Bul baptyń sanktsııasy bes jylǵa deıingi merzimge bas bostandyǵynan aıyrý túrindegi jaýapkershilikti kózdeıdi. Tıisti saraptamalar taǵaıyndaldy», - delingen málimette.
Posmotret etý pýblıkatsııý v Instagram
