Astanada LRT-nyń ekinshi quramy qoıyldy

ASTANA. KAZINFORM — 12 maýsymda, №112 stantsııasynda (Abý Dabı Plaza) eki vagonnan turatyn LRT ekinshi quramyn ornatý jumystary júrgizildi. Bul týraly Astana ákimdigi habarlady. 

Birinshi quram jýyrda № 101 stantsııasyna (Áýejaı) ornatyldy. Eki quram 2025 jyldyń qyrkúıegine josparlanǵan synaqtyq iske qosýlar bastalǵanǵa deıin stantsııalarda bolady.

— № 112 stantsııada LRT ekinshi quramyn ornatý — bul jeliniń negizgi ýchaskelerine quramdy ornalastyrý boıynsha jumystardyń bir bóligi. Ár vagon kúrdeli logıstıkalyq jolmen jetkiziledi jáne aýyr kótergish tehnıka kómegimen ornatylady. Bul jumystar bizge quramdardy aldyn ala rettep, qyrkúıekte bastalatyn keshendi synaqtarǵa daıyndaýǵa múmkindik beredi. Biz qurylys kezeńinen ınjenerlik jáne paıdalaný kezeńine birtindep ótip jatyrmyz, — dedi «City Transportation Systems» JShS Basqarma Tóraǵasy Asylbek Dúısebaev.

Montajdaý jumystary júk kótergishtigi 450 tonna bolatyn arnaıy iri gabarıtti avtokran kómegimen oryndaldy. Quramdar Túrkistan kóshesine Arys kópiri jaǵynan, uzyndyǵy 39 metrdi quraıtyn (tartqyshpen birge) iri gabarıtti traldarmen jetkizildi. 

Aıta ketelik №101 stantsııasyna alǵashqy LRT quramy kóterilgeni týraly jazǵan edik.