Astanada qurban shalatyn oryndar belgili boldy
ASTANA. QazAqparat - Astana qalasynda qasıetti Qurban aıt merekesinde qurban shalynatyn oryndar anyqtaldy. Bul týraly elorda ákimdigi Astana qalasynyń din isteri basqarmasyna silteme jasap jasap habarlaıdy.
Bıyl Qurban aıt merekesi 28-30 maýsym kúnderi aralyǵynda ótedi.
Qazaqstan musylmandary dinı basqarmasynyń aqparatyna sáıkes qala meshitterinde 28 maýsym kúni saǵat 6.00-de Aıt namazy oqylady.
Astana qalasynda bekitilgen oryndarda 8.00-den 18.00-ge deıin qurban shalýǵa bolady:
1. «Uljan» ámbebap bazary, Saryarqa aýdany, N. Tilendıev kóshesi, 24 (burynǵy «Saıanur» bazary);
2. «Jaılaý» bazary, Baıqońyr aýdany, Alash tasjoly, S-313 kóshesi («Sharyn» bazarynyń arty);
3. «Shanhaı» bazary, Baıqońyr aýdany, Alash tasjoly, 34/6 («Kók bazar» bazarynyń arty);
4. «Shopan ata» bazary, Baıqońyr aýdany, (Rýbıkom jáne Ámir bazarynyń ortasy);
5. «Barakat» bazary, Baıqońyr aýdany, A-369 kóshesi, №10 ǵımarat.
Qurbandyqqa soıylǵan et túgeldeı áleýmettik kómekke muqtaj otbasylarǵa úlestiriledi.
Qurban aıt kúnderi halyqqa qurban shalý jáne taǵy basqa ózekti máseleler boıynsha aqyl-keńes beretin 109 sall ortalyǵy táýlik boıy jumys jasaıdy.
