Astanada qos kitaptyń tusaýy kesildi
«Aqmola úshin shaıqas» kitabynyń avtory - respýblıkalyq «Ádilet BAQ Medıa» redaktorlar keńesiniń tóraǵasy Muratbek Toqtaǵazın. Kitapqa avtordyń ár jyldarda jazǵan ocherkteri, elimizge tanymal tulǵalarmen suhbattary, kósemsóz maqalalary engen. Kitap eki bólimnen turady. Alǵashqy bólimi «Jyldar jańǵyryǵy» dep atalady. Onda avtordyń ár jyldarda jazǵan ocherkteri men búgingi tańdaǵy ózekjardy máseleler týraly tereń taldaýǵa qurylǵan saraptamalyq maqalalary toptastyrylǵan. Al ekinshi bólimde esimderi elimizge málim jýrnalıstıka maıtalmandary, ǵalymdar men ádebıettanýshylar týraly materıaldar men suhbattar qalyń oqyrmandy beı-jaı qaldyrmaıdy.
«Est v jıznı magıstralnyı pýt» kitabynyń avtory «Kazahstanskaıa pravda» RG» AQ tóraǵasynyń orynbasary Aleksandr Tarakov. Kitapta qazaqstan qoǵamy ornyǵýynyń ózekti máseleleri, qyr-syry men mán-jaılary baıandalady.
Qos kitap ta QR Mádenıet jáne aqparat mınıstrligi Aqparat jáne muraǵat komıteti tarapynan «Ádebıettiń áleýmettik mańyzdy túrlerin basyp shyǵarý» baǵdarlamasy boıynsha 2 myń danamen basylyp shyqty.