Astanada kemirgishterge qarsy kúres eki maýsymda ótedi
ASTANA. KAZINFORM — Astanada kemirgishterge qarsy kúres 2026 jyly eki maýsymda — kóktemde jáne kúzde júrgiziledi. Kóktemgi deratızatsııalyq jumys qazirdiń ózinde júrip jatyr, dep habarlaıdy elorda ákimdiginiń resmı saıty.
Qazirgi tańda jabyq stantsııalarda deratızatsııa jumysy tolyq aıaqtalyp, 28 myń jeke turǵyn úı óńdelgen. Ashyq aýmaqtardaǵy jumystar 1-15 mamyr aralyǵynda 8 myń gektar aýmaqta júrgiziledi.
Jeke sektor (turǵyn alaptar) jáne ashyq aýmaqtar (saıabaqtar, ózen arnasy, sý aıdyndary, kanaldar, zırattar) óńdeledi.
Jeke sektor turǵyndaryna ýlanǵan jemder tegin taratylyp, sol jerde qaýipsizdik boıynsha nusqaýlyq júrgiziledi.
— Deratızatsııa Qazaqstanda qoldanýǵa ruqsat etilgen preparattardy qamtıtyn dándi ýlanǵan jemder arqyly júzege asyrylady. Mundaı sharalar kemirgishterdiń sanyn azaıtý jáne asa qaýipti juqpaly aýrýlardyń taralýynyń aldyn alý úshin qajet, — delingen habarlamada.
Buǵan deıin elordanyń barlyq aýdanynda qala ortasyndaǵy kemirgishterdiń sanyn retteý maqsatynda josparly deratızatsııalyq sharalar júrgizilip jatqanyn jazdyq.
