Astanada Qazaqstan-Mysyr bıznes-forýmy ótedi
Bul týraly QR Syrtqy ister mınıstrliginiń resmı ókili Aıbek Smadııarov Astana ótken aptalyq brıfıngte málimdedi.
Atalǵan shara 1992 jyly 6 naýryzda bastaý alǵan Qazaqstan men Mysyr arasyndaǵy dıplomatııalyq qatynastardyń ornaǵanyna 27 jyldyq mereıtoıyna sáıkes keledi. Oǵan saýda, qurylys, agroónerkásiptik keshen jáne basqa da salalarda qyzmet kórsetetin 20-dan astam mysyr kompanııalardyń basshylary qatysady.
«Mysyr delegatsııasyn Saýda jáne ónerkásip mınıstriniń birinshi orynbasary Taha Boraıe basqarady. Forýmda saýda-ekonomıkalyq jáne ınvestıtsııalyq yntymaqtastyq máseleleri talqylanady. Іs-sharanyń negizgi maqsaty - eki eldiń kásipkerleri arasynda ekonomıkanyń túrli salalarynda tikeleı baılanystardy ornatý, birlesken kásiporyndardy qurý, sondaı-aq birlesken perspektıvalyq jobalarǵa ınvestıtsııa tartý», - dedi QR SІM resmı ókili.
2018 jyly Mysyrmen ekijaqty saýda kólemi 84 mln AQSh dollaryn qurady, onyń ishinde Qazaqstannan eksport 16,6 mln dollarǵa, al Mysyrdan ımport 67,2 mln dollarǵa jetken.
