Astanada «Qazaqstan - ǵarysh aılaǵy» kórmesi ashylady
ASTANA. 8 sáýir. QazAqparat - Erteń, 9 sáýir kúni «Nazarbaev ortalyǵy» MM-de «Qazaqstan - ǵarysh aılaǵy» kórmesiniń ashylý saltanaty ótedi. Іs-sharanyń maqsaty: halqymyz ben memleketimizdiń ıgiligi jolyndaǵy otandyq ǵarysh salasynyń damýyndaǵy sátti de jemisti jumystardy kórsetý.
Bul týraly QR «Nazarbaev ortalyǵy» memlekettik mekemesiniń baspasóz qyzmeti habarlady.
1961 jyly 12 sáýirde adamzat balasy ejelden kele jatqan armanyn tuńǵysh ret júzege asyrdy - jerdiń tartylys kúshin jeńip, jerdi ǵaryshtan baqylaýǵa múmkindik aldy. «Vostok» ǵarysh kemesimen «Baıqońyr» ǵarysh alańynan ıÝrıı Gagarınniń kókke samǵaýy órkenıettiń damýyndaǵy jańa dáýirdi ashty. Jer sharyn aınalǵan orbıtalyq ushý - kórnekti keńestik konstrýktorlardyń talanty men ǵaryshkerlerdiń batyldyǵynyń arqasynda iske asqan alǵashqy ǵaryshqa bastaǵan qadam bolǵan edi.
Ǵaryshty baǵyndyrýda Qazaqstan tarıhtan laıyqty oryn alady. 2013 jyly 2 qazanda ǵarysh keńistiginde bolǵan tuńǵysh qazaq - eńbek sińirgen synaqshy-ushqysh, Keńes Odaǵynyń Batyry Toqtar Áýbákirovtiń erligine 23 jyl tolady.
«Qazaqstan - ǵarysh aılaǵy» kórmesine Qazaqstan Respýblıkasynyń táýelsizdik jyldary «Nazarbaev ortalyǵy» MM-ne syıǵa berilgen ǵaryshqa ushýǵa qatysty, ǵaryshkerlerge baılanysty materıaldar, fotosýretter, ǵaryshkerlerdiń qoltańbasy qoıylǵan portretteri, tóssbelgileri, markalar, kádesyılar kelýshilerdiń nazaryna usynylady.
Taqyrypqa saı uıymdastyrylǵan kitap kórmesi de adamzattyń ǵaryshty ıgerý tarıhyn jan-jaqty tanystyryp, tolyqtyryp turady.
Kórmeniń ashylýyna QR Ulttyq ǵarysh agenttiginiń tóraǵasy Talǵat Musabaev, dıplomatııalyq mıssııalardyń, memlekettik organdar jáne BAQ ókilderi qatysady.
«Qazaqstan - ǵarysh aılaǵy» kórmesi óz jumysyn 14 sáýirge deıin jalǵastyrady.
