Astanada qansha hostel bar

ASTANA. KAZINFORM – Astanada órt qaýipsizdigi talaptarynyń oryndalýyn baqylaý maqsatynda hostelderde kezekten tys tekserý júrip jatyr.

«Ótken jyly 30 qarashada Almatyda hostelden órt shyqty. Odan bólek, taıaýda Semeıde saýda ortalyǵy órtendi. Osyǵan baılanysty memlekettik organdar men qala ákimdiginiń talabymen órt qaýipsizdigi jumystaryna baqylaý odan saıyn kúsheıtilip jatyr. Búginde elordada 87 hostel bar, órttiń aldyn alý maqsatynda olarǵa tekserý sharalary júrip jatyr. Qaladaǵy 8 hostel óz erkimen jabyldy», - dedi Astana qalasy tótenshe jaǵdaılar departamenti memlekettik órt baqylaý basqarmasynyń bastyǵy Madııar Myrzageldıev qalalyq kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, órt qaýipsizdigi talaptary buzylǵan jaǵdaıda, ony túzeýge obekt ıesine 10 kún ýaqyt beriledi. 

«On kúnnen qaıta baqylaý júrgiziledi, talap oryndalmasa, tıisti shara qoldanylady», - deıdi ol.