Astanada Qadyr túninde tegin avtobýstar qatynaıdy
ASTANA. KAZINFORM — Astanada Qadir túninde, ıaǵnı 26 naýryzdan 27 naýryzǵa qaraǵan túni turǵyndardy meshitterden tegin qatynaıtyn arnaıy avtobýstar júredi, dep habarlaıdy elorda ákimdigi.
Qosymsha kólik 22:00–den bastap qatynaıdy, avtobýstyń sońǵy júretin ýaqyty — tańǵy 04:00–de. Avtobýstar qala turǵyndarynyń yńǵaıly júrýin qamtamasyz ete otyryp, qalanyń atalǵan aýdandaryna jetkizý úshin qatynaıtyn bolady.
Arnaıy kólik qozǵalysynyń marshrýttary:
«Respýblıkalyq Bas meshit» meshiti — Tselınnyı shaǵyn aýdany, «Esý kanaly» aıaldamasy jáne Respýblıka dańǵyly.
«Áziret Sultan» meshiti — «Spýtnık» sýpermarketi, Temirjol vokzaly jáne Kóktal-1,2 turǵyn alaby.
«Ábý Nasyr Ál-Farabı» meshiti — «Kóktal-1,2» turǵyn alaby, Temirjol vokzaly jáne Medıtsınalyq kolledj.
«Sádýaqas qajy Ǵylmanı» meshiti — «Kóktal-1,2» turǵyn alaby jáne Kırıchnyı turǵyn alaby.
«Rahymqyzy Raısa ana» meshiti — avtobýstar «Rahmet» saýda ortalyǵy.
— Qosymsha marshrýttardy iske qosý joldarda keptelis bolýyna jol bermeıdi jáne elordanyń barlyq turǵyny úshin qolaıly qozǵalysty qamtamasyz etedi, — delingen vedomstvo habarlamasynda.
Buǵan deıin Qadir túninde Nurlan ımam Jibek joly telearnasynda tikeleı efır ótkizetinin jazǵan edik.