Astanada I Halyqaralyq bilim forýmy bastaldy
ASTANA. 9 sáýir. QazAqparat - Búgin Astanadaǵy «Kórme» ortalyǵynda «WORLDDIDAC Astana 2013» I Halyqaralyq bilim forýmynyń jumysy bastaldy.
Forýmda bilim-ǵylym, ınnovatsııalar men tehnologııalardy damytý máseleleri talqylanýda. Al ózara tájirıbe almasý maqsatynda jetekshi sarapshylardyń qatysýymen san alýan semınarlar men trenıngter uıymdastyrylady. Sondaı-aq úsh kúndik májilis kezinde halyqaralyq jáne otandyq kompanııalardyń bilim berý jobalary, qashyqtan oqytý jáne elektrondy oqytý júıesi, ınteraktıvti qural-jabdyqtar men mýltımedııalyq tehnologııalar tanystyrylady. Sondaı-aq forým aıasynda bilim berý salasyndaǵy ınnovatsııalarǵa arnalǵan kórme ashyldy.
Búgin forýmnyń saltanatty ashylý rásimine QR Bilim jáne ǵylym vıtse-mınıstri Saıat Shaıahmetov, «Worldidac» qaýymdastyǵynyń prezıdenti Vasılıos Ftenakıs jáne «Halyqaralyq baǵdarlamalar ortalyǵy» AQ prezıdenti Saıasat Nurbek qatysty. Erteń, forým jumysyna QR Bilim jáne ǵylym mınıstri Baqytjan Jumaǵulov qatysady dep kútilýde.
