Astanada ǵımarat opyrylyp, bes adam qutqaryldy
ASTANA. KAZINFORM – Búgin astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulady.
– Qutqarýshylar kelgennen keıin ǵımarattyń birinshi qabatynda ornalasqan dúkenniń kireberisinde 150 sharshy metr aýmaqta kondıtsıoner men qaptamanyń qulaǵany anyqtaldy. Qutqarýshylar jaraqat alǵandardy alyp shyǵyp, qaptamanyń odan ári qulaý qaýpin joıdy. Zardap shekkender jedel járdem brıgadasyna tapsyryldy, - dep habarlady Astana qalalyq Tótenshe jaǵdaılar departamenti.
Oqıǵa ornynda bólshekteý jáne apattyq qalpyna keltirý jumystary júrgizildi.
Tótenshe jaǵdaılar departamenti bes adamnyń jaraqat alǵanyn, olardyń ishinde balalar joq ekenin naqtylady.
Pavlodarda qulaǵan mektep ǵımaratynyń astynan adamnyń denesi tabylǵanyn jazǵan bolatynbyz.