Astanada er adam dámhananyń ishinde oıran saldy
Dámhananyń ákimshisi polıtsııaǵa belgisiz er adamnyń qoǵamdyq orynda oıran salǵany týraly aryz túsirdi. QazAqparat bul týraly Astana qalasynyń polıtsııa departamentine silteme jasap habarlaıdy.
Oqıǵa túnde bolǵan. Buzaqy dámhana ishine kirip, aınaladaǵynyń bárin sebepsiz qırata bastaǵan – ydys-aıaq, oryndyqtar men ústelderdi syndyrdy.
Oqıǵa ornyna kelip jetken polıtsııa qyzmetkerleri er adamdy polıtsııa bólimine jetkizdi.
Qylmyskerdiń jeke basy anyqtaldy. Ol 36 jastaǵy elorda turǵyny bolyp shyqty. Medıtsınalyq kýálandyrý qorytyndysyna sáıkes, ol ortasha dárejede mas bolǵan.
Atalǵan fakti boıynsha QR Qylmystyq kodeksiniń 293-baby «Buzaqylyq» boıynsha sotqa deıingi tergeý amaldary júrgizilýde.
Er adam Astana qalalyq polıtsııa departamentiniń ýaqytsha ustaý oqshaýlaǵyshyna jetkizildi. Onyń elordada jasalǵan osyǵan uqsas basqa da qylmystarǵa qatysy bar-joǵy anyqtalyp jatyr.
