Astanada aýyl áıelderiniń V forýmy ótedi
Besinshi forým aýyldaǵy áıelderdiń kásipkerligine arnalady jáne jıyndy otandyq jáne halyqaralyq spıkerlerdiń qatysýymen ótetin «Orta Azııa Áıelderi» sessııasy ashady.
«Bıyl forým besinshi ret uıymdastyrylady. Oǵan daıyndyq retinde ár óńirde oblys ákimdikteri tarapynan irikteý jumystary júrgiziledi. Ár oblystan 10 áıel qatysady, onyń ishinde dáriger, muǵalim, kásipker, aýyl sharýashylyǵymen aınalysatyn qyzmetker, halyqqa qyzmet kórsetý ortalyǵynyń qyzmetkeri de bar. 17 óńirden 170-ke jýyq áıel qatysady. Odan bólek, bıyl 20 áıelge marapat beriledi. Forým aıasynda ártúrli máseleler talqylanady. Mysaly, kásipkerlikten bólek, aýyldaǵy jaǵdaıdy qalamen salystyrýǵa bolmaıdy. Infraqurlym, bilim deńgeıi, aqparattyń baıaý jetkizilýi sııaqty máseleler boıynsha pikirtalas uıymdastyrylady. Forým qorytyndysy boıynsha úkimettik uıymdar úshin qarar qabyldanady», - dedi «Jasyl ekonomıka jáne G-Global-dy damytý koalıtsııasy» ZTB atqarýshy dırektory Ashat Súleımenov Ortalyq kommýnıkatsııalar qyzmetinde.
Forýmdy uıymdastyrý komıtetiniń tóraǵasy Maıra Aısınanyń aıtýynsha, eldegi áıelderdiń jartysyna jýyǵy aýylda turady.
«Qaladaǵy áıeldermen salystyrǵanda olarǵa aqparatqa qol jetkizý qıynyraq. Aýyl áıelderiniń áleýeti áli tolyq ashylmaǵan nemese tıimsiz, utymsyz paıdalanylyp keledi. Aýyldaǵy áıelderdiń eńbegi kúrdeli, olarǵa jańa tehnologııalar,»jasyl«sheshimder jetispeıdi», - deıdi M. Aısına.
Baǵdarlamaǵa sáıkes forýmnyń birinshi kúni QR Prezıdenti janyndaǵy Áıelder isteri jáne otbasy-demografııalyq saıasat jónindegi Ulttyq komıssııa ókilderiniń, beıindi mınıstrlikter basshylyǵynyń jáne halyqaralyq uıymdar ókilderiniń qatysýymen «Genderlik teńdik kontekstindegi aýyldaǵy áıelder kásipkerligi» atty plenarlyq otyrys ótedi.
Sonymen birge, forýmda «Asqar shyńdarǵa tý tikken aýyl áıelderi»/«100 ıstorıı ýspeha» kitabynyń tórtinshi basylymy kópshilikke tanystyrylady.
«Coca-Cola belesteri – 2022» kásipkerlikti jańadan bastaǵan áıelder arasyndaǵy úzdik bıznes-ıdeıa baıqaýynyń 20 jeńimpazyn marapattaıdy jáne Saltanat Rahymbekova atyndaǵy grantty tapsyrý rásimi josparlanǵan.
QR Parlamenti Senaty depýtattarynyń, sheteldik qonaqtardyń qatysýymen «Ortalyq Azııa áıelderi: mádenı qundylyqtar men dástúrlerdi saqtaı otyryp, tabysqa jáne genderlik teńdikke qol jetkizý» atty paneldik (Ázirbaıjan, Qyrǵyzstan, Tájikstan) sessııa ótedi.
Tústen keıin forýmda «Qazaqstandaǵy aýyl kásipkerligi: problemalar, perspektıvalar jáne áıelderdiń róli», «Aýylǵa arnalǵan «jasyl» sheshimder», «Aýyldaǵy ómir súrý jaǵdaılary: birlesken kúsh-jigermen aýyldy qalaı jaqsartamyz?» taqyryptary kóteriledi.
Saraptama alańdarynda aýyldaǵy kásipkerlik máseleleri jáne memlekettik qoldaý sharalary, aýyldaǵy turmysty qamtamasyz etýdiń zamanaýı ınfraqurylymyn qurý, ınfraqurylymdyq problemalar, sý resýrstary, klımattyń ózgerýi qaralady.
