Astanada ataýly kómek alýshylar sany azaıýda

ASTANA. 14 aqpan. QazAqparat - Búginde Astanada ataýly áleýmettik kómek alýshylar sany azaıyp keledi. Atalǵan nátıjelerge «Jumyspen qamtý 2020» jobasyn júzege asyrý aıasynda turaqty jumys ornyn ashý, aýdan ákimdikterindegi jumys toptarynyń belsendi jumys júrgizýleri arqasynda jumyssyzdardy áleýmettik qorǵaýdyń pármendi is-sharalary esebinen qol jetkizilip otyr, dep jazady elordanyń resmı saıty.

Áleýmettik salada alǵa qoıylǵan mindetterdi júzege asyrý aıasynda Astanada azamattar úshin áleýmettik kepildiktermen qamtamasyz etý jumystary myna baǵyttarda qarastyrylǵan:

- turaqty meken-jaılary joqtar men psıhonevrologııalyq syrqaty bar jandarǵa qarttar men múgedekterge arnalǵan medıtsınalyq-áleýmettik mekemelerge (MÁM-de áleýmettik kómek kórsetýdiń: áleýmettik-psıhologııalyq, medıtsınalyq, turmystyq, eńbek, zańdyq jáne basqa da 7 túri engizilgen) tegin qaralý áleýmettik kómegi;

- jekelegen sanattaǵy muqtaj azamattarǵa (zeınetkerler men barlyq toptaǵy múgedekterdiń, kópbalaly otbasylardyń (barlyǵy 62 myń adam) qalalyq qoǵamdyq kólikte tegin júrý sııaqty áleýmettik kómek pen qyzmettiń 16 túri) merekeler men basqa da ataýly datalarda birmezgildik tólem áleýmettik kómegi;

- turmysy tómen azamattarǵa ataýly áleýmettik kómek, 18 jasqa deıingi múgedek balalarǵa memlekettik járdemaqy, turǵyn úı kómegi (2013 jyly tabysy kúnkóris deńgeıinen tómen turǵyndar úlesin 1,6%-ǵa deıin, sonyń ishinde AÁK alýshylardy 6 %-ǵa azaıtý josparlanýda) odan ári jalǵasatyn bolady.