Astanada A35 jastar jobasyna kastıng jarııalandy

ASTANA. QazAqparat - «Astana jastary» jastar resýrstyq ortalyǵy orta arnaýly oqý oryndarynyń stýdentteri arasynan talanttardy izdeıdi, dep habarlaıdy Astana ákimdiginiń resmı saıty.

A35 jobasy elordada arnaıy orta bilim alatyn jastarǵa arnalǵan.

«A» árpi ataýyndaǵy «Astana» degendi bildiredi, al 35 - qaladaǵy kolledjderdiń sany», - dep túsindirdi jobanyń kýratory, «Astana jastary» KMM uıymdastyrý bóliminiń mamany Araılym Saparálıeva.

Joǵary oqý oryndarynyń stýdentteri úshin A14 jobasy da bar. Kastıng 16 jáne 17 aqpanda saǵat 11:00-de «Jastar» saraıynda ótedi. Barlyq 35 arnaýly orta oqý oryndarynyń stýdentteri shaqyryldy. Stýdentterdiń kastınginde «sıtýatsııalyq keıs-tapsyrmalar» kútip tur.

«Biz komandaǵa jetekshi, dızaınerler men stsenarısterdi jınaýdy josparlap otyrmyz. Eń belsendi stýdentter kóktemde ótkizýdi josparlap otyrǵan A14 jáne A35 stýdentteri arasyndaǵy sulýlyq baıqaýy, sondaı-aq debattar, qala stýdentteriniń fýtbol lıgasy, KVN lıgasy jáne t.b. jobalardy júzege asyrýǵa atsalysady», - dedi joba jetekshisi.

Araılym Saparálıevanyń aıtýynsha, bul jumys eriktilik bolady. Jobada qamtylǵan stýdentter ózderiniń ıdeıalary men jobalaryn «Astana jastary» qoldaýymen iske asyrmaq.