Astanada 9 myńnan astam áıel men bala Pfizer vaktsınasyn saldyrdy
«15 qarashadan bastap elorda Pfizer preparatymen júkti jáne bala emizetin áıelderdi, 12-18 jas aralyǵyndaǵy balalardy vaktsınalaýǵa kiristi. Tolyq úsh apta ishinde osy vaktsınamen tıisti kontıngentten 9 300 adam vaktsınalandy. Pfizer qabyldaý boıynsha kóshbasshylar qatarynda jasóspirimder tur – 6 200-den astam bala, odan keıin bala emizetin analar bar – 2 800-den astam. Al júkti áıelder sany – 206. Balalar ekpeni medıtsınalyq uıymdarda da, óz mektepteriniń medıtsınalyq pýnkterinde de ala alady», - dedi Gúlnaz Dosmyrzaeva ákimdikte ótken brıfıngte.
Ol 22 qarashadan bastap búkil el boıynsha koronavırýs ınfektsııasyna qarsy revaktsınatsııa bastalǵanyn eske saldy.
«Búgingi kúni qala boıynsha KVI-ǵa qarsy qaıtalama vaktsınany medıtsına qyzmetkerleri, pedagogtar, kúsh qurylymdarynyń qyzmetkerleri, 60 jastan asqan jáne ımmýnıteti tómen adamdar, medıtsınalyq-áleýmettik mekemelerdiń personaly men kontıngentinen 2 100-ge jýyq adam aldy. Revaktsınalaý sanıtarlyq normalar men komponentter arasyndaǵy aralyqty qatań saqtaı otyryp júrgiziledi. Vaktsınany medıtsınalyq uıymdar men saýda-oıyn-saýyq ortalyqtarynan, saýda úılerinen alýǵa bolady», - dep túıindedi G. Dosmyrzaeva.
