Astanada 125 elden usynylǵan 8 myńnan astam AI fılm baǵalanady — Erlan Qarın
ASTANA. KAZINFORM — Astanada búgin bastalatyn Astana AI Film Festival festıvaline 125 elden jasandy ıntellekt kómegimen túsirilgen 8 myńnan astam fılm usynyldy. Bul týraly Erlan Qarın málimdedi.
— Halyqaralyq AI& Digital Bridge 2026 forýmy aıasynda Astana AI Film Festival bastalady. Bul — memlekettiń qoldaýynsyz jeke bastamamen júzege asyrylǵan álemdegi eń aýqymdy is-shara. Festıvalge 125 elden jasandy ıntellekti arqyly túsirilgen 8 myńnan astam fılm usynylǵan. Kelip túsken jumystardy Odre Azýle bastaǵan halyqaralyq jıýrı baǵalaıdy, — delingen jazbada.
Vıtse-prezıdenttiń sózinshe, Odre Azýle — ıÝNESKO-nyń burynǵy bas dırektory ári Frantsııanyń Mádenıet mınıstri bolǵan.
— Ol halyqaralyq uıymǵa basshylyq etken jyldary tsıfrlyq sheshimder men jasandy ıntellekti máselelerin alǵashqylardyń biri bolyp kóterdi. Búgin Azýle hanymmen kezdesip, túrli taqyryptar tóńireginde pikir almastyq, — dep jazdy Qarın.
Aıta keteıik, buǵan deıin Erlan Qarın Toqaevtyń Berlındegi málimdemesine toqtalǵan bolatyn.
