Astanadaǵy Jaǵalaý shaǵyn aýdany qalaı damıdy
Astana qalasynyń ákimi Jeńis Qasymbek Jaǵalaý shaǵyn aýdany qalaı damıtynyn aıtty, dep habarlaıdy Kazinform.
«Jaǵalaý shaǵyn aýdany – qalanyń qarqyndy damyp kele jatqan shaǵyn aýdandarynyń biri. Munda úlken jumystar oryndalýy qajet: áleýmettik nysandar salý, jol-kólik ınfraqurylymy, jaryqtandyrý júrgizý, abattandyrý máseleleri jáne t.b.», - dep jazdy Jeńis Qasymbek Instagram paraqshasynda.
Ákim qalany aralaý barysynda birneshe orynǵa bardy. Mańyzdy máselelerdiń biri – mektep salý. Nura aýdanynyń ózinde «jaıly mektep» jobasy boıynsha 2024-2025 jyldary 9 mektep salynady.
Abattandyrýǵa toqtalar bolsaq, bıyl «Nura» aýdanynda 5 qoǵamdyq keńistik abattandyryldy. Olardyń biri – «Jaǵalaý» turǵyn úı kesheniniń mańynda jyldar boıy bos jatqan ýchaske abattandyryldy.
Onda avtoturaǵy bar 12 qabatty kópfýnktsıonaldy keshen salý josparlanǵan bolatyn. Sol sııaqty Aıtmatov kóshesiniń boıynda kógaldandyrý jumysy qolǵa alyndy. 1 myńnan astam aǵash otyrǵyzyldy.
«Shyǵys» turǵyn úı kesheniniń artyndaǵy Bınom mektebine deıingi kóshelerdiń (E-12 ,E-14, E-15, E-32, E–35) qurylysy aıaqtaldy. Onda sharýashylyq-turmystyq káriz, nóser kárizi, sý qubyry jabdyqtalǵan, jaryqtandyrý kabelderi ishinara tóselgen. Degenmen shaǵyn aýdanda jaryqtandyrý máselesi áli de bar – jelilerdiń bári balansqa berilmegen. Biz olardy kezeń-kezeńimen qalanyń balansyna qabyldaımyz. Kóktemde kóshe qurylysy, aýla men qoǵamdyq keńistikti abattandyrý, kógaldandyrý jáne t. b. jumysty jalǵastyramyz», – dep jazdy Jeńis Qasymbek.
