«Astana» velokomandasy «Katar-2014 týryna» qatysady
ASTANA. QazAqparat - «Astana» velokomandasy 2014 jylǵy 9-14 aqpan aralyǵynda ótetin «Katar-2014 týry» kópkúndik jarysyna qatysady. Bul týraly QR Syrtqy ister mınıstrliginiń baspasóz qyzmetinen habarlady.
Qazaqstan komandasynyń quramynda 8 sportshy bar, olardyń arasynan ıtalıandyqtar Djakopo Gýarnıerı, Andrea Gýardını jáne Valerıo Agnolı, qazaqstandyqtar Valentın Iglınskıı jáne Dmıtrıı Mýravev, amerıkandyq Evan Haffman, slovenııalyq Borýt Bozıch jáne gollandııalyq Lıýve Vestra syndy sańlaqtardy atap ótýge bolady.
Týrnır 2002 jyldan beri ótkizilip keledi. Bıylǵy jyly 19 komanda jarysqa túsedi, olar jalpy uzaqtyǵy 700 shaqyrymnan asatyn alty kezeńdi eńserýi tıis.
«Katar-2013 týrynda» «Astana» quramynda óner kórsetetin ýkraındyq Andreı Grıvko 18-oryndy enshilep, úzdik dep tanylǵan. Ol joly brıtandyq Mark Kevendısh jeńimpaz atanǵan edi.
