Astanalyq turǵyn burynǵy enesiniń altyn buıymdaryn urlaǵan
ASTANA. KAZINFORM – 22 jastaǵy elorda turǵyny enesiniń úıinen quny 1 mıllıon teńgeden asatyn zergerlik buıymdardy alyp ketken.
Polisia.kz-tiń málimetinshe, boıjetken alqa, júzik, eki jup syrǵa, eki er júzigin qoldy etken.
Polıtsııaǵa habarlasqan egde áıeldiń aıtýynsha, burynǵy kelini ulymen ajyrasqan soń ákesimen qalǵan balalarǵa qonaqqa kelgen. Ol úıge ár barǵan saıyn lombardqa tapsyratyn altyn buıymdardy uralǵan.
Jedel-izdestirý sharalary barysynda Nura aýdanynyń polıtseıleri urlyq jasaǵan kelinshekti anyqtaǵan. Ol kinásin moıyndap, zattaı aıǵaqtar alynyp, áshekeı buıymdar ıesine qaıtaryldy.
Atalǵan fakti boıynsha qylmystyq is qozǵaldy.
Astana qalalyq polıtsııa departamenti azamattarǵa qyraǵy bolýdy jáne ońaı qol jetetin jerlerde baǵaly zattardy qaldyrmaýdy eskertedi.
