Astana mektebinde taǵy da keptelis boldy

  Elordada №22 orta mekteptiń dálizinde oqýshylar keptelisi boldy, balalar zardap shekpegen dep habarlaıdy QazAqparat tilshisi Bilim basqarmasynyń baspasóz qyzmetine silteme jasap.

«Aýysym kezinde mekteptiń kúzetshisi oqýshylar úshin arnaıy uıymdastyrylǵan qosymsha shyǵý esigin ýaqytyly ashpaǵan. Alaıda, balalar kidirisi 5 mınýt ishinde toqtady. Balalar mektepten uıymdasqan túrde shyqty jáne birde-bir bala zardap shekken joq. Kúzetshige eskertý jasaldy», - delingen resmı habarlamada.

Aqparatta aıtylǵandaı, balalardyń qaýipsizdigi únemi baqylaýda.

«Qala ákimdigi oqýshy oryndaryn qurý boıynsha júıeli jumys júrgizip jatyr. Bıyl elordada 11 mektep ashylady. Onyń 4-ýi jańa oqý jylynyń basynda ashylyp, paıdalanýǵa berildi. Sonymen qatar, «Jaıly mektep» ulttyq jobasy iske asyrylýda. Atalǵan joba aıasynda 2024-2025 jyldary 90 myń oqýshyǵa arnalǵan 24 mektep salynady. Onyń ishinde №22 orta mektep ornalasqan Almaty aýdanynda 6 «Jaıly mektep» salynady», - deıdi vedomstvodan.

Bilim basqarmasynan málim etilgendeı, elordadaǵy úsh aýysymdy jáne oqýshylar shamadan tys tolǵan mektepterdiń problemasy «Jaıly mektep» ulttyq jobasy aıasynda túpkilikti sheshilmek.

Aıta keteıik, bolǵan jaıttyń vıdeosy áleýmettik jelide tarady.

Eske sala ketsek, qyrkúıektiń basynda Astanadaǵy «№71mektepte balalardyń keptelip qalýy týraly jazǵan edik.