Astanada Italııa mádenı ortalyǵy ashylady

ASTANA. KAZINFORM — Astana Italııa mádenı ortalyǵy ashylady. Bul týraly Aqordada Memleket basshysy Qasym-Jomart Toqaevpen keńeıtilgen quramdaǵy kelissózder barysynda Italııa Prezıdenti Serdjo Mattarella aıtty.

— Mádenı turǵyda ýnıversıtetter, jalpy bilim salasynda naqty yntymaqtastyǵymyz bar. Italııa Astanada óziniń mádenı ortalyǵyn ashady. Shyn máninde bul Ortalyq Azııa óńirindegi mundaı alǵashqy mádenı ortalyq bolmaq. Osy oraıda bizge qoldaý bildirgenińiz úshin rıshalyǵymdy bildiremin. Sonymen qatar elorda kósheleriniń birin Marko Polonyń qurmetine oraı ataý bastamańyz bizdiń ózara qarym-qatynasymyzdy jalǵastyrýǵa degen beıilińizdi bildiredi, — dedi mártebeli meıman. 

Italııa Prezıdenti eki eldiń joǵary basshylyǵy arasyndaǵy kezdesý jıi ótetindigin aıtyp, júzbe-júz kezdesýi úshin rızashylyǵyn bildirdi. 

— Shyndyǵynda men úshin sizben sóılesý óte qundy múmkindik. Sonymen qatar Premer-mınıstr Melonıdiń sapary, ózińiz basshylyq basaǵan «Ortalyq Azııa-Italııa» kezdesý jaıynda aıtqanyńyz da asa mańyzdy. biz munyń bárin joǵary baǵalaımyz. Jáne de ózara qarym-qatynasymyzdy kúsheıte túsý úshin qosymsha múmkindikter bar dep oılaımyz, — dedi Serdjo Mattarella.

Aıta keteıik, Aqordada Memleket basshysy Qasym-Jomart Toqaev elimizge resmı saparmen kelgen Italııa Prezıdenti Serdjo Mattarellany qarsy aldy. 

Eske sala ketsek elorda kósheleriniń birine Marko Polo esimi beriledi.