Astana aýmaǵynyń 80% beınebaqylaýda bolady
ASTANA. QazAqparat - Elordada qala tirshiliginiń qaýipsizdigin qamtamasyz etý úshin shamamen 2 myńǵa jýyq beınebaqylaý kamerasy qosylǵan, dep habarlaıdy Astana ákimdiginiń medıa ortalyǵy .
2 myńǵa jýyq beınebaqylaý kamerasyn Astana qalasynyń Qala tirshiligin qamtamasyz etýdiń keshendi sharalar júıesine (QTQKShJ) qosý kózdelip otyr. Bul maqsattaǵy jumystyń barlyǵy EKSPO kórmesin ótkizý kezindegi qaýipsizdikti qamtamasyz etý maqsatynda maýsym aıynyń sońyna deıin aıaqtalmaq dep málimdedi «Astana Innovations» AQ basqarma tóraǵasynyń orynbasary Meıram Dıýsıýkov elorda ákimdigi medıa ortalyǵynyń tilshisine bergen suhbatynda.
Qazirgi kúni «Astana Innovations» AQ-nyń QTQKShJ jobasy sheńberinde biryńǵaı júıege 1,3 myń kamera biriktirildi. Onyń 393 «Astana Innovations» AQ beınebaqylaý kamerasy, al qalǵan 907-i ıntegratsııalanǵan kameralar.
EKSPO kórmesi bastalǵanǵa deıin 26 jańa aıaldama men birneshe saýda ortalyqtary men sport keshenderi beınebaqylaýaǵa qosyldy. Astana qalasynyń ІІD Jedel basqarý ortalyǵynyń qyzmetkerleriniń barlyq kameralarǵa túsken málimetti alýǵa quzyry bar.
«Astana qalasy boıynsha beınebaqylaý» jobasy elordany ınfraqurylymdardy jetildirý men basqarý júıesin jańartý negizinde «aqyldy qalaǵa» transformattaý sheńberinde júzege asyrylyp jatyr.
«Atalmysh joba elorda turǵyndarynyń qaýipsizdigin qamtamasyz etý men ómir súrý sapasyn jaqsartýǵa baǵyttalǵan. Sondaı-aq ıntellektýaldy tehnıka qala tirshiligin taldaý operatsııalaryn avtomattandyrý men onyń negizinde sheshim qabyldaýǵa múmkindik beredi. Jalpy alǵanda bul joba Astanadaǵy ómir sapasy men qaýipsizdikti qamtamasyz etý deńgeıin arttyrady», - dedi Meıram Dıýsıýkov.
Keleshekte Astana aýmaǵynyń 80 paıyzyn tehnıkalyq quraldardy engizý - beıne jáne foto baqylaý arqyly qala qaýipsizdigin qamtamasyz etý josparlanyp otyr.
