Astana áýejaıyna Elbasynyń atyn berý oryndy - Ǵarıfolla Esim

ASTANA. QazAqparat - Elbasy Nursultan Ábishuly Nazarbaevtyń Qazaqstan Respýblıkasy úshin tókken terin, eren eńbegin eshteńemen salystyrýǵa kelmeıdi. Bul pikirdi Astana halyqaralyq áýejaıyna Elbasy Nursultan Nazarbaevtyń esiminiń berilýine baılanysty qoǵam qaıratkeri, ǵalym Ǵarıfolla Esim bildirdi, dep habarlaıdy QazAqparat.

«Elimiz Táýelsizdik alǵannan beri halyqaralyq deńgeıdegi sammıtter, forýmdar, órmeler sekildi kóptegen is-sharalardy ótkizýde. Óz basym elimizdiń bas shahary, qyrandaı aspanǵa sharyqtap turǵan Astananyń tórinde ornalasqan Elorda áýejaıyn Elbasymyz N.Á. Nazarbaevtyń atymen ataýǵa kelisemin. Mundaı ataý tek bizde emes álemniń aldyńǵy qatarly elderinde de bar. Mysalyǵa Túrkııanyń Tuńǵysh Prezıdenti bolǵan Mustafa Kemal Atatúriktiń aty berilgen Stambul qalasyndaǵy álemdegi úlken áýejaılardyń birin ataýǵa bolady. Budan basqa Amerıka Qurama Shtattarynyń 35-i Prezıdenti Djon Fıtsdjerald Kennedıdi atap kórsetýge bolady. Sol sebepti Astana qalasynyń áýejaıyn Elbasynyń atyna ózgertý durys dep sanaımyn», - deıdi ǵalym.