Astana áýejaıy qalypty rejımde jumys istep jatyr

ASTANA. KAZINFORM – Astana halyqaralyq áýejaıynda barlyq qyzmet shtattyq rejımde jumys istep, reıster keste boıynsha oryndalyp jatyr. Bul týraly áýejaıdyń baspasóz qyzmeti habarlady.

Vedomstvonyń málimetinshe, jaǵdaı turaqtalǵan, termınaldarda júıe jańartý jumystarynan keıin barlyq protsess qalypty júrip jatyr.

«Keshe áýejaı Airbus kompanııasynyń A320 áýe kemeleri úshin baǵdarlamalyq qamtamasyz etýdi jańartý jónindegi tehnıkalyq habarlamasyna baılanysty birqatar reısterdiń keshigýine jedel áreket etti. Jolaýshylar úshin tamaqtaný pýnkteri uıymdastyryldy, sanıtarlyq aımaqtardyń tazalyǵy kúsheıtildi, der kezinde aqparat berildi. Múmkindigi shekteýli jolaýshylar arnaıy bólmelerge ornalastyrylyp, qajetti qoldaý kórsetildi», – dep atap ótti áýejaıdyń baspasóz qyzmeti.

Eske salaıyq, Airbus kompanııasy ushý jaramdylyǵy jóninde dırektıva shyǵaryp, avıakompanııalarǵa bıiktik róli basqarylatyn kompıýterdiń operatsııalyq baǵdarlamalyq jasaqtamasyn dereý jańartýdy mindettegen bolatyn.

Buǵan deıin ınjenerlik qyzmetter Air Astana jáne FlyArystan kompanııalarynyń KC 931 jáne FS 7063 reısterin oryndaǵan eki áýe kemesinde baǵdarlamalyq jasaqtamany jańartqan.