Áskerge shaqyrýǵa daıyndyq bastaldy

ASTANA. 24 qańtar. QazAqparat - Almaty oblysynyń Qorǵanys isteri jónindegi departamentinde azamattardy áskerge shaqyrý ýchaskesine esepke tirkeýdi uıymdastyrý men ótkizý boıynsha nusqaýlyq-ádistemelik oqýlary ótkizildi. Bul týraly QR QM Baspasóz qyzmetinen habarlandy.

Shara Qazaqstan Respýblıkasy Úkimetiniń «Qazaqstan Respýblıkasynda áskerı mindettiler men áskerge shaqyrylýshylardy áskerı esepke alýdy júrgizý tártibi týraly erejeni bekitý týraly» Qaýlysyna sáıkes atqaryldy. Onda Qorǵanys isteri jónindegi basqarma men bólimder bastyqtary tartylyp, Almaty oblysynyń kelisimshart qyzmetindegi áskerı qyzmetshilerdi qabyldaý bólimsheleriniń bastyqtary tyńdaldy.

Jumys barysynda Qorǵanys isteri jónindegi departamentiniń ókilderi mańyzdy máselelerdi qarastyryp, jınalǵan tájirıbelermen almasty.

Oqýlar sońynda tirkeý naýqanynyń naqty talaptary qarastyryldy, sebebi azamattardy tirkeý naýqany - beıneti kóp kúrdeli jumys dep sanalady.