Ashyq qosymshasy qandaı serverge qosylǵan
Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Áset Turysov Ashyq qosymshasyna júktelgen JSN derekteri qaıda saqtalatynyn túsindirdi
«Búginde Ashyq qosymshasy búkil derekter qorymen birge tolyqtaı «Ulttyq aqparattyq tehnologııalar ortalyǵy» AQ ulttyq operatorynyń kontýrynda tur. Qosymshanyń ákimshisi de osy ulttyq operatordyń qyzmetkerleri. eGov.kz sııaqty memlekettik derekter bazasyn da osy ortalyq basqaryp otyr. Ulttyq operatordyń kontýrynda qaýipsizdiktiń barlyq talaptary saqtalǵan. Aqparattyq qaýipsizdik máselesi de muqııat eskerilgen», - dedi ol ortalyq kommýnıkatsııalar qyzmetinde.
Brıfıng barysynda BAQ ókilderi Qarjy mınıstrliginiń JSN derekteriniń bazasyna qoljetimdilikti shektegenin mysalǵa keltirip, Ashyq qosymshasynyń jetekshileri bul máseleni nege eskermeginin suraǵan bolatyn.
«Sizdiń Qarjy mınıstrliginiń sharasyn mysal retinde keltirip otyrǵanyńyzdy uqtym. Bul jerde kez kelgen adam qosymshaǵa kirip, jumys istegen kezde ulttyq operatordyń kontýryndaǵy serverlerge suranym jiberedi degen sóz. ıAǵnı, aqparat ol serverden basqa jaqqa shyǵarylmaıdy», - dedi vıtse-mınıstr.
Áset Turysov qosymshany súıemeldeýge bıýdjet qarajaty jumsalatynyn aıtty.
«Qosymshany súıemeldeýge, serverlerdi basqarýǵa, tipti serverlerdiń ózine qarjylandyrý qajet. Árıne Tsıfrlyq damý, ınnovatsııalar jáne aeroǵarysh ónerkásibi mınıstrligi memlekettik baǵdarlama ákimshisi retinde qarjylandyratyn shyǵar. ıAǵnı bıýdjetten belgili bir qarajat kerek bolady. Onyń somasy sonshalyq úlken bolady dep oılamaımyn. Qaıtalap aıtaıyn qarjy serverlerdiń jumysyna jáne ony basqarýǵa kerek bolady», - dedi vedomstvo ókili.
