Ashyq eGov mobile qosymshasyna jalǵandy
Bul týraly «Ulttyq aqparattyq tehnologııalar ortalyǵy» AQ basqarma tóraǵasy Rostıslav Konıashkın ortalyq kommýnıkatsııalar qyzmetinde ótken brıfıngide aıtty.
«Birinshiden, biz azamattardyń ótinishin taldap, bıznes protsesti jetildirý jáne júıeniń jumysyn turaqtandyrý úshin bastapqy kodty qaıta jazdyq. Sodan keıin ony eGov mobile-ǵa shyǵardyq, endi telefon nómiri men JSN engizýdiń qajeti joq, tek avtorızatsııadan ótip, QR kodty skanerleý qajet. Sondaı - aq, biz servısti ekinshi deńgeıdegi bankterdiń qosymshalaryna shyǵarý boıynsha jumys júrgizdik», - dep túsindirdi Rostıslav Konıashkın.
Sondaı-aq, ol qosymshanyń «Ulttyq aqparattyq tehnologııalar ortalyǵynyń» súıemeldeýine kóshkendikten tehnıkalyq protseste qosymsha irkilis bolǵanyn atap ótti.
«Búgingi tańda júıeni jetildirý jáne turaqtandyrý baǵytyndaǵy jumystar aıaqtaldy. Sondyqtan júıede irkilister baıqap otyrǵan joqpyz», - dedi ortalyq basshysy.
