ARYSTANBEKOV TAÝTAN

Arystanbekov Taýtan (1897-1975) qoǵam qaıratkeri, Qazaq jastarynyń demokratııalyq keńesi uıymyn qurýshylardyń biri.

Qazirgi Qostanaı oblysynda (burynǵy Torǵaı oblysy Qostanaı ýezi Obaǵan bolysy) týǵan.

Borovskııdegi 2-synyptyq orys-qazaq ýchılışesin bitirip, Omby muǵalimder semınarııasynda oqyǵan.

«Birlik» qoǵamynyń jumysyna belsene qatysqan.

1917 jylydyń aıaǵynda S.Seıfýllınniń yqpalymen T.Arystanbekov, J.Sadýaqasov, Á.Dosov, H.Júsipbekov «Birlik» qoǵamynan bólinip shyǵyp, «Qazaq jastarynyń demokratııalyq keńesi» atty uıym qurǵan. Jańa uıymnyń tóraǵalyǵyna Taýtan Arystanbekov saılanady.

1918 jyly kóktemde úgit-nasıhat jumysyn júrgizgendigi úshin abaqtyǵa qamalady. 1918-1923 jyldary Qostanaı óńirinde muǵalimdik qyzmet atqarady.

1921 jyly Qazaqstan Keńesteriniń ІІ sezine qatysyp, Qazaq AKSR-i Ortalyq komıtetiniń múshesi bolady.

1923-1924 jyldar aralyǵynda Orta Azııa memlekettik ýnıversıtetiniń zań fakýltetinde bir jyl oqyǵan.

1924-1926 jyldar aralyǵynda Qostanaı okrýgtik prokýrorynyń orynbasary, okrýgtik halyq aǵartý bóliminiń meńgerýshisi, 1927-1928 jyldar aralyǵynda Qazaq AKSR-i Zań halyq komıssarıatynyń prokýrory, Syrdarııa gýbernııalyq sotynyń tóraǵasy qyzmetterin atqarǵan.

1937 jyly S.Seıfýllınniń jaqyn adamy retinde on jylǵa sottalady. 1947 jyly múgedek bolyp elge oralǵanymen, 1948 jyly qaıtadan Krasnoıar ólkesine jer aýdarylady. 1957 jyly tolyq aqtalǵan.

Derek kózi:

Qazaqstan ulttyq entsıklopedııasy 1 tom