Arystaǵy jarylystan 11 adam zardap shekti

ARYS. QazAqparat - Arys qalasyndaǵy jarylystan 11 adam zardap shegip, Shymkenttegi aýrýhanaǵa tústi. Bul týraly QazAqparat tilshisi qalalyq qoǵamdyq densaýlyq saqtaý basqarmasyna silteme jasap habarlaıdy.

«Qalalyq klınıkalyq aýrýhanaǵa 11 adam túsken. Onyń 6-ýy túrli dene jaraqatyn alǵan, qalǵandaryn dárigerler tekserip jatyr. Olardyń arasynda analar men balalar bar. Basqa málimetter qosymsha habarlanatyn bolady», - deıdi qalalyq Qoǵamdyq densaýlyq saqtaý basqarmasynyń baspasóz qyzmetiniń jetekshisi Laýra Mamyrova.

Sondaı-aq, Túrkistan oblysynyń ákimi Ómirzaq Shókeev Arystaǵy áskerı bólimshede oryn alǵan jarylysqa baılanysty oqıǵa ornyna baılanysty jaǵdaıdy túsindirdi.

Búgin Túrkistan oblysynyń Arys qalasyndaǵy áskerı bólimniń qoımasynda saǵat 9.20-da jarylys boldy.

QR Qorǵanys mınıstrliginiń dereginshe, jarylystan zardap shekkender joq.

QR Prezıdenti Qasym-Jomart Toqaev tıisti organdarǵa Arystaǵy áskerı bólimindegi oq-dári qoımasynda bolǵan jarylystyń zardaptaryn joıý týraly tapsyrma berdi.