ArselorMıttal Qazaqstandy sotqa berýi múmkin be

Qazaqstan ArselorMıttal kompanııasy kelisimdi toqtatý boıynsha zań jumystaryn júrgizip jatyr. Bul týraly Ónerkásip jáne qurylys mınıstri Qanat Sharlapaev málim etti, dep habarlaıdy Kazinform..

«Úkimet ArselorMıttal kompanııasymen kelissóz júrgizýdi biraz ýaqyt buryn bastaǵan. Biz qujattarǵa aldyn ala (22 qazan) qol qoıdyq. ArselorMıttal óz tarapynan qol qoıý shahtadaǵy qaıǵyly oqıǵaǵa deıin bolǵanyn rastady. Sondyqtan mámile aıaq astynan jasaldy deý - qate. Buǵan deıin Úkimet ArselorMıttal kompanııasymen biraz jumys júrgizdi», - dedi Qanat Sharlapaev Úkimet úıinde ótken baspasóz máslıhatynda.

Al ArselorMıttal kelisimnen bas tartyp, Qazaqstandy sotqa berýi múmkin be? 

«Qazir ArselorMıttal aktsıonerleriniń quramynan shyqqannan keıin Qazaqstandy odan ári sot talqylaýlarynan qorǵaý úshin egjeı-tegjeıli zań jumystaryn júrgizip jatyrmyz, - deıdi ol. - Kompanııanyń ataýy ózgeredi. Biraq bul jaǵdaı boıynsha sheshim áli qabyldanbady. ArselorMıttaldyń qazaqstandyq kásiporyn aktsıonerleriniń quramynan shyqqannan keıi ataýyn ózgertýge quqyǵymyz joq. Shynymdy aıtsam, biz áli qaraǵan joqpyz», - deıdi Q. Sharlapaev.