Argentınada Qazaqstannyń týyn kóterý rásimi ótti

ASTANA. QazAqparat - 16 jeltoqsanda Argentınanyń Rosarıo qalasyndaǵy Ulttyq tý memorıaldyq kesheninde elimizdiń Táýelsizdigi kúnine arnalǵan Qazaqstan Respýblıkasynyń týyn kóterý saltanatty rásimi ótti, dep habarlaıdy «QazAqparat» HAA Brazılııa Federatıvti Respýblıkasyndaǵy QR Elshiliginiń baspasóz qyzmetine silteme jasap.

Rosarıo ákimshiliginiń qoldaýymen Brazılııadaǵy Qazaqstan elshiligi men Qazaqstan mádenıet ortalyǵy birlesip uıymdastyrǵan is-sharaǵa qalalyq ákimshilik, qalalyq keńes ókilderi, qoǵam qaıratkerleri, kásipkerler, ulttyq-mádenıet ortalyǵynyń belsendileri men jergilikti BAQ ókilderi qatysty.

Argentınadaǵy Qazaqstan elshisi Qaırat Sarjanov qala men memorıal basshylyǵyna jyl saıyn elimizdiń Táýelsizdigi kúni Qazaqstannyń memlekettik týyn kóteretindikterine rızashylyǵyn bildirip, táýelsizdik alǵan  26 jyl boıy Qazaqstan Respýblıkasynyń Prezıdenti N.Á.Nazarbaevtyń basshylyǵymen qol jetkizgen negizgi jetistikterdi atap ótti. 

Rosarıo meri syrtqy ister departamentiniń basshysy Serhıo Barrıos 2016 jyly negizi qalanǵan Qazaqstan mádenıet ortalyǵynyń mańyzdy rólin atap ótti.

Іs-shara sońynda Qaırat Sarjanov Qurmetti elshi Gýstavo Gýtıerrezýge «QR dıplomatııalyq qyzmetine 25 jyl» estelik medalin tabys etti.