Argentına álem chempıonaty fınaldyq satysyna joldama aldy

ASTANA. KAZINFORM — Argentına quramasy fýtboldan 2026 jylǵy álem chempıonaty fınaldyq satysyna berilgen jetinshi joldamaǵa ıe boldy.

Іrikteý kezeńinde argentınalyq fýtbolshylar 14 oıynnan keıin 31 upaı jınady. Ońtústik Amerıka qurlyǵynan dúbirli dodaǵa tikeleı alty joldama bólingen. Qalǵan oıyndarda jeńilgen jaǵdaıda da olar altynshy orynnan tómen túspeıdi.

Sondaı-aq atalǵan qurlyqtan qalǵan joldamaǵa Ekvador, Ýrýgvaı, Brazılııa, Paragvaı, Kolýmbııa quramalary úmitker bolyp otyr. Alda tórt týrdyń oıyndary qaldy. 

Qazirge deıin álem chempıonaty fınaldyq satysyna uıymdastyrýshylar retinde AQSh, Meksıka, Kanada joldama alsa, irikteý kezeńinde olardyń qataryna Japonııa men Jańa Zelandııa qosyldy. 

Qazaqstan quramasy atalǵan dodaǵa Eýropa qurlyǵy boıynsha qatysyp jatyr. Olar irikteý týrnırinde Belgııa, Ýels, Soltústik Makedonııa jáne Lıhtenshteınmen birge J tobynda baq synaıdy. Alǵashqy eki oıynnan keıin úsh upaımen úshinshi orynda tur. Aldymen syrt alańda Ýelske 1:3 esebimen jeńilse, odan keıin Lıhtenshteındi 3:0 esebimen tize búktirdi.