Aralda jeńistiń 80 jyldyǵyna arnalǵan at báıgesi ótti
QYZYLORDA. KAZINFORM — Jeńistiń 80 jyldyǵyna oraı búgin Qyzylorda oblysynyń Aral aýdanynda aýdan ákimdiginiń júldesi úshin oblystyq at báıgesi ótti.
Aýdan ákimdiginiń baspasóz qyzmeti habarlaǵandaı, alamanǵa 90-ǵa jýyq sáıgúlik qatysty.
— Báıge taı jarysynan bastaldy. Onda aýyzdyǵymen alysqan 18 sáıgúlik jarys jolyna shyqty. Nátıjesinde Qazaly aýdanynyń shabandozdary І, ІІ oryndardy enshiledi. Bekarystan bı aýylynyń turǵyny O.Smaǵulovtyń «Han» kúreńi birinshi kelse, Jankent aýylynyń turǵyny S. Orynbasarovtyń «Nıet» torysy máre syzyǵyn ekinshi bolyp kesti. Al Aral aýdanyna qarasty Qyzyljar aýylynan kelgen S.Qaraýymbetovtyń «Adııat» qara qasqasy márege úshinshi keldi, — delingen aýdan ákimdiginiń baspasóz qyzmetiniń habarlamasynda.
Al qunan báıgesiniń nátıjesinde 10 shaqyrym qashyqtyqty eń birinshi bolyp Aralqumnan kelgen «Shýlat» tory eńserip ótti. Odan keıingi oryn qarmaqshylyq Ǵ.Uzaqbaevtyń «Tastuıaq» torysyna buıyrsa, ІІІ oryndy Aralqumnan kelgen «Juldyzaı» tory oljalady.
Sonymen qatar oblystyq báıgede 15 shyqyrymǵa sozylǵan top báıge uıymdastyryldy. Qorytyndysynda Jalaǵash aýdany Aqqyr aýylynan qatysqan «Hantory» aldyna qara salǵan joq. Kelesi eki oryndy Qazalynyń Qumjıek aýylynan kelgen «Alagóz» kúreńi men Aral aýdanynyń Bógen aýylynan kelgen «Aqjeleń» torysy ózara bólisti.
Júldege ilikken arǵymaqtardyń ıelerine aýdan bıýdjeti jáne demeýshiler esebinen taǵaıyndalǵan qarjylaı syılyqtar tabystaldy.
Buǵan deıin biz Qyzylorda qalasynda klassıkalyq shahmattan Aralbaı Mahambetovtyń júldesine arnalǵan balalar arasyndaǵy el kýbogynyń ІІ kezeńi ótkenin habarladyq.