Arab elderinde ortaq vıza júıesi iske qosylady
ASTANA. 21 jeltoqsan. QazAqparat - Parsy shyǵanaǵyndaǵy Islam yntymaqtastyq uıymyna múshe elder úshin biryńǵaı vıza 2014 jyldyń orta sheninde paıda bolady. Qazirgi ýaqytta arab «altylyǵynyń» ishki ister mınıstrligi deńgeıinde biryńǵaı vızalyq keńistik qurý jónindegi tehnıkalyq erejeniń jaı-japsary talqylanyp jatyr.
Eýropalyq «shengen aımaǵyna» uqsas atalmysh vızalyq júıede «altylyqtyń» quramyna kiretin elderdiń biriniń elshiligi bergen vıza boıynsha osy atalǵan elderdiń bárinde erkin júrip-tura alasyz. ıAǵnı, osy júıe boıynsha qolyńyzǵa tıgen vıza Saýd Arabııasynda, Kýveıtte, Bahreınde, Katarda jáne Omanda jaramdy bolady.
Er-Rııadtyń saýda-ónerkásip palatasynyń prezıdenti Ábdirahman áz-Zamılıanyń sózine qaraǵanda, mundaı qadam osy aımaqta jumys isteıtin sheteldikterdiń jáne jyldan jylǵa qatary artyp kele jatqan týrısterdiń erkin júrip-turýyna kómektesedi.
Belgili bolǵandaı, Parsy shyǵanaǵy elderinde sheteldikterdiń qarasy edáýir. Sanmen órnektegende, sheteldikterdiń qarasy aımaq turǵyndarynyń 31 paıyzyn quraıdy eken. Sheteldikterdiń deni Saýd Arabııasynda nápaqasyn aıyryp júr - 9 mln adam. Dese de, tehnıkalyq-bıýrokratııalyq kedergilerge baılanysty osy aımaqtaǵy memleketterdiń shekarasynan ótýdiń ózi qıyndyqtarǵa toly ekenin qaperlerińizge sala ketkimiz keledi.
Parsy shyǵanaǵyndaǵy elderde vızalyq rejım árqıly bolyp keledi. Máselen, Birikken Arab Ámirlikteri, Bahreın, Katar jáne Oman Shengen aımaǵynyń 26 elinen jáne AQSh, Ulybrıtanııa, Japonııa, Ońtústik Koreıa, Malaızııadan kelgen azamattardan el aýmaǵyna enýge ruqsat beretin vızany talap etpeıdi. Al Saýd Arabııasy men Kýveıt kóptegen elderdiń azamattarynan el aýmaǵyna engýge ruqsat beretin vızany talap etedi, dep habarlady muslim.kz.
