Apta ishinde bolǵan kadrlyq taǵaıyndaýlar
ASTANA. KAZINFORM — Bul aptadaǵy aýys-túıistiń kóbi kúshtik qurylymdarda tirkeldi.
Apta aıaǵynda Marat Ǵataullauly Irmenov Qazaqstan Respýblıkasy Ulttyq qaýipsizdik komıteti Tóraǵasynyń orynbasary laýazymyna taǵaıyndaldy.
Al Qanataı Jorabekuly Dalmatov Qazaqstan Respýblıkasy Ulttyq qaýipsizdik komıteti Tóraǵasynyń orynbasary laýazymynan bosatyldy.
Apta basynda Maǵjan Іlııasovty Qazaqstan Respýblıkasynyń Amerıka Qurama Shtattaryna Tótenshe jáne Ókiletti Elshi bolyp taǵaıyndalǵan edi.
Maǵjan Janbotauly 1974 jylǵy 26 tamyzda Almaty qalasynda týǵan.
Qazaq memlekettik álem tilderi ýnıversıtetiniń Halyqaralyq qatynastar fakýltetin úzdik bitirgen jáne Dj. Kennedı atyndaǵy Garvard ýnıversıtetiniń Memlekettik basqarý mektebiniń magıstratýrasyn aıaqtaǵan.
Dıplomatııalyq mansabyn 1996 jyly QR SІM Halyqaralyq uıymdar men halyqaralyq ekonomıkalyq qatynastar basqarmasynyń referenti, keıinnen Attashesi laýazymdarynan bastady.
1998-1999 jyldary BUU Basqarmasy jáne halyqaralyq ekonomıkalyq uıymdar basqarmasynyń úshinshi, ekinshi hatshysy.
1999 jyldan 2003 jylǵa deıin QR Prezıdenti Ákimshiliginiń protokol qyzmetiniń konsýltanty.
2003-2005 jyldary — QR Prezıdenti Keńsesiniń Uıymdastyrý jáne qujattamalyq qamtamasyz etý tobynyń bas sarapshysy.
2005-2012 jyldary QR Prezıdenti Ákimshiliginiń Syrtqy saıasat ortalyǵynda jumys istedi, onda bas sarapshydan Ortalyq meńgerýshisi laýazymyna deıin jetti.
2013-2016 jyldary QR Prezıdentiniń Keńesshisi — QR Prezıdenti Ákimshiligi Syrtqy saıasat ortalyǵynyń meńgerýshisi.
2016 jyldan bastap Qazaqstannyń Nıderlandtaǵy Elshisi jáne Qazaqstan Respýblıkasynyń Hımııalyq qarýǵa tyıym salý uıymyndaǵy turaqty ókil
2020 jyldyń 30 qyrkúıeginen Qazaqstannyń BUU janyndaǵy Turaqty ókili.
Májilistiń sársenbidegi jalpy otyrysynda Ásel Bolatqazyqyzy Janábilova Ortalyq saılaý komıssııasynyń múshesi bolyp taǵaıyndaldy.
Ol 1969 jyly 28 shilde kúni Almaty qalasynda dúnıege kelgen.
1991 jyly S. M. Kırov atyndaǵy QazMÝ-dyń zań fakýltetin bitirgen. Keıinirek «qarjy jáne ekonomıka» mamandyǵy boıynsha ekinshi joǵary bilim alady.
1993 jyldan bastap Almaty qalasynda notarıýs bolyp qyzmet atqardy.
1997 jyldan 2000 jylǵa deıin notarıat isteri jónindegi bólimniń bastyǵy, Ádilet mınıstrliginiń zań qyzmetterin uıymdastyrý basqarmasynyń bastyǵy bolyp qyzmet atqardy.
2000 jyldyń 18 aqpanynan búginge deıin Respýblıkalyq notarıattyq palatanyń tóraǵasy bolyp jumys istegen.
Talǵat Shaıahmetov Іshki ister mınıstrliginiń Ózindik qaýipsizdik departamentiniń bastyǵy bolyp taǵaıyndaldy.
Shaıahmetov ishki ister organdarynda 27 jyldan astam qyzmet atqaryp keledi. Krımınaldyq polıtsııa, uıymdasqan qylmysqa qarsy kúres jáne ózindik qaýipsizdik jónindegi bólinisterde tájirıbe jınaqtaǵan.
Ár jyldary túrli basshylyq laýazymdarda, sonyń ishinde ІІM ÓQD bastyǵynyń orynbasary, aýmaqtyq polıtsııa departamenti bastyǵynyń orynbasary qyzmetterin atqardy.
Jańa taǵaıyndaýǵa deıin ІІM Krımınaldyq polıtsııa departamenti bastyǵynyń orynbasary bolǵan.
Aqtaý qalasynyń prokýrory bolyp Daýylbaı Nurlybaıuly Chelpekov taǵaıyndaldy.
Daýylbaı Nurlybaıuly — 1990 jyly 24 qarashada Mańǵystaý oblysy, Aqtaý qalasynda dúnıege kelgen. Aqtaý qalasyndaǵy «Qaınar» kolledjiniń fılıalyn «Quqyqtaný» mamandyǵy boıynsha úzdik bitirgen. Ál-Farabı atyndaǵy Qazaq ulttyq ýnıversıtetiniń zań fakýltetin úzdik dıplommen aıaqtaǵan (bakalavr, quqyq magıstri).
2013 jyldan bastap prokýratýra organdarynda jumys istegen. Aqtaý qalasy prokýrorynyń kómekshisi boldy. 2017 jyldan bastap Aqtaý qalasy prokýratýrasynyń qoǵamdyq múddelerdi qorǵaý bóliminiń bastyǵy laýazymynda boldy.
2019 jyldyń aqpan aıynan bastap Aqtaý qalasy prokýrorynyń orynbasary qyzmetin atqarǵan.
Taǵaıyndalǵanǵa deıin Mańǵystaý oblysy, Mańǵystaý aýdandyq prokýratýrasynyń prokýrory bolyp jumys istedi.
Atyraý qalasynyń prokýrory qyzmetine Mergen Ómirbekuly Meńdiǵalıev taǵaıyndaldy.
Mergen Meńdiǵalıev 1989 jyly 28 qarashada Atyraý qalasynda dúnıege kelgen. Ál-Farabı atyndaǵy Qazaq ulttyq ýnıversıtetin «quqyqtaný» mamandyǵy boıynsha támamdaǵan.
Eńbek jolyn Qurmanǵazy aýdany prokýrorynyń kómekshisi retinde bastaǵan. Keıin Atyraý qalasy prokýrorynyń kómekshisi boldy. Sonymen qatar Atyraý oblysy prokýratýrasynyń basqarmasynda aǵa prokýror, Atyraý qalasy prokýratýrasynyń Qoǵamdyq múddelerdi qorǵaý basqarmasynda bólim bastyǵy qyzmetterin atqarǵan.
2019-2022 jyldary Bas prokýratýrada Qoǵamdyq múddelerdi qorǵaý jáne Qylmystyq qýdalaý qyzmetterinde jumys istegen. 2022 jyldan bastap Mańǵystaý oblysy prokýratýrasynyń basqarma bastyǵy bolyp qyzmet atqarǵan.
Prokýratýra organdarynda jalpy eńbek ótili 13 jyldan asady. Memlekettik nagradasy — «Aıbyn» ordeniniń ІІ dárejesiniń ıegeri.
Óskemen qalasynyń jańa prokýrory bolyp Rýslan Álishev taǵaıyndaldy.
Rýslan Álishev 1984 jyly Jambyl oblysynda dúnıege kelgen. ıAssaýı atyndaǵy Qazaq-túrik halyqaralyq ýnıversıtetin jáne Ortalyq Azııa ýnıversıtetin támamdaǵan. Prokýratýra organdarynda 2008 jyldan beri qyzmet etip keledi. Taraz qalasy prokýrorynyń kómekshisi jáne aǵa kómekshisi bolyp jumys istegen.
Keıinnen Bas prokýratýranyń áleýmettik-ekonomıkalyq saladaǵy zańdylyqty qadaǵalaý departamentinde eńbek etti.
2017 jyly Jambyl kólik prokýratýrasyna basshy bolyp taǵaıyndaldy. Al 2021-2022 jyldary Qordaı aýdanynyń prokýrory bolǵan.
2022 jyldyń tamyz aıynan osy ýaqytqa deıin Abaı oblysy prokýrorynyń orynbasary qyzmetin atqarǵan.
Aıta keteıik, Óskemenge jańa prokýror burynǵy basshy Tımýr Chakpantaev ýaqytsha qyzmetinen shettetilgennen keıin taǵaıyndalyp otyr. Qyzmettik tergeý júrgizilip jatqan T.Chakpantaevqa ózine baǵynyshty qyzmetkerlerdi soqqyǵa jyqty degen aıyp taǵylǵan.
Qarjy mınıstrligi Memlekettik kirister komıtetiniń Astana qalasy boıynsha Memlekettik kirister departamentiniń basshysy bolyp Serik Baǵdatuly Manzorov taǵaıyndaldy.
Serik Manzorov eńbek jolyn 2006 jyly Almaty qalasy ákimdiginde bastaǵan.
Ár jyldary jetekshi mamannan aýdan ákiminiń orynbasaryna deıingi túrli laýazymdarda jumys istegen. Sondaı-aq Qarjy mınıstrligi Memlekettik kirister komıteti men Qazaqstan Respýblıkasy Prezıdenti Ákimshiliginde qyzmet atqarǵan.
Memlekettik kirister júıesinde 2010 jyldan beri eńbek etip keledi. Osy ýaqyt aralyǵynda bas mamannan Departament basshysynyń orynbasaryna deıingi qyzmet jolynan ótken.
2021 jyldyń qyrkúıeginen bastap Mańǵystaý oblysy boıynsha Memlekettik kirister departamentin basqaryp keldi.
Quqyqtaný, qarjy jáne memlekettik basqarý salalarynda bilimi bar. Ál-Farabı atyndaǵy QazUÝ, T. Rysqulov atyndaǵy Qazaq ekonomıka ýnıversıteti jáne Qazaqstan Respýblıkasy Prezıdenti janyndaǵy Memlekettik basqarý akademııasyn támamdaǵan.
Mańǵystaý oblysynyń Ádilet departamentine jańa basshy bolyp Asulan Nurlanuly Kárimov keldi.
Asulan Nurlanuly 1981 jyly Atyraý oblysy, Qurmanǵazy aýdany, Eńbekshi aýylynda týǵan.
H.Dosmuhamedov atyndaǵy Atyraý memlekettik ýnıversıtetiniń ekonomıka jáne quqyq mamandyqtary boıynsha eki joǵary bilimi bar.
2004-2007 jj. — Atyraý oblysy boıynsha Salyq komıtetiniń Salyqty ákimshilendirý basqarmasynda jetekshi maman, keıin bas maman qyzmetin atqardy. Bul kezeńde salyqtyq ákimshilendirý jáne tirkelmegen salyq tóleýshilermen jumys baǵytynda tájirıbe jınaqtady.
2007-2009 jj. — Atyraý qalasynyń Halyqqa qyzmet kórsetý ortalyǵynda ınspektor, keńesshi jáne dırektordyń orynbasary boldy. Azamattarǵa qyzmet kórsetýdiń sapasyn arttyrý jáne memlekettik qyzmetterdi qoljetimdi etý baǵytynda jumys atqardy.
2009-2011 jj. — Qulsary qalasy ákiminiń orynbasary (Jylyoı aýdany) boldy. Qalalyq ınfraqurylym, áleýmettik jáne ekonomıkalyq damý máselelerin úılestirdi.
2011 jyly — Atyraý oblysy boıynsha Jyljymaıtyn múlik ortalyǵy dırektorynyń orynbasary qyzmetin atqardy.
2011–2012 jj. — Atyraý oblysynyń Tekserý komıssııasynyń múshesi boldy. Memlekettik aktıvter men bıýdjet qarajatynyń tıimdi jumsalýyn baqylaý baǵytynda jumys istedi.
2019-2025 jj. — Atyraý oblysy Ádilet departamentiniń basshysy bolǵan.
QR Prezıdenti Ákimshiliginiń 2025 jylǵy 22 qyrkúıektegi № 25-42-33.514 kelisimi boıynsha 20 qazannan bastap QR Ádilet mınıstrliginiń apparat basshysynyń buıryǵymen Mańǵystaý oblysy Ádilet departamentiniń basshysy bolyp taǵaıyndaldy.
Atyraý oblysy jolaýshylar kóligi jáne avtomobıl joldary basqarmasynyń basshysy laýazymyna Áset Samarhanuly Orazǵalıev taǵaıyndaldy.
Áset Orazǵalıev Atyraý oblysy Inder aýdanyndaǵy Qulager aýylynda dúnıege kelgen.
2003 jyly Qazaq memlekettik sáýlet-qurylys akademııasyn támamdaǵan. 2008 jyly Atyraý munaı jáne gaz ınstıtýtyn bitirgen.
Eńbek jolyn 2003 jyly bastaǵan. Órtke qarsy qyzmet organdarynda jáne qurylys salasyndaǵy kásiporyndarda qyzmet etken.
2009 jyldan bergi qyzmeti oblystyń jol salasymen baılanysty.
Atqarǵan qyzmetteri:
* bas maman;
* avtomobıl joldary bóliminiń basshysy;
* basqarma basshysynyń orynbasary;
* Atyraý oblysy jolaýshylar kóligi jáne avtomobıl joldary basqarmasynyń basshysy;
* «QazAvtoJol» AQ Atyraý oblystyq fılıaly dırektorynyń orynbasary.
Buǵan deıin Inder aýdany ákiminiń orynbasary bolyp qyzmet etken.
Danııar Álıev Almaty qalasy mádenıet basqarmasynyń basshysy bolyp taǵaıyndaldy.
Danııar Álıev Abaı atyndaǵy Qazaq ulttyq pedagogıkalyq ýnıversıtetin «Tarıh» mamandyǵy boıynsha jáne «Almaty» ýnıversıtetin «Quqyqtaný» mamandyǵy boıynsha támamdaǵan. Gýmanıtarlyq ǵylymdar magıstri.
Ár jyldary Qazaqstan Respýblıkasynyń Ortalyq memlekettik arhıvi men Almaty qalasynyń tarıh mýzeıinde bólim meńgerýshisi, Almaty mádenıet basqarmasy basshysynyń orynbasary, sondaı-aq Mádenıet jáne sport mınıstrligi Mádenıet komıteti tóraǵasynyń orynbasary qyzmetterin atqardy.
Ol osy kúnge deıin Almaty oblysynyń mádenıet, arhıvter jáne qujattama basqarmasyn basqardy.